‘కృష్ణ వ్రింద విహారి’.. విడుదల తేదీ ఖరారు
ABN , First Publish Date - 2022-04-24T01:01:39+05:30 IST
యంగ్ హీరో నాగశౌర్య హీరోగా అనీష్ ఆర్ కృష్ణ దర్శకత్వంలో ఐరా క్రియేషన్స్ పతాకంపై.. నిర్మాత ఉషా మూల్పూరి నిర్మిస్తున్న చిత్రం ‘కృష్ణ వ్రింద విహారి’. ఈ చిత్రానికి సంబంధించి ఇప్పటికే విడుదలైన టీజర్, ఫస్ట్ సింగల్ ప్రేక్షకుల
యంగ్ హీరో నాగశౌర్య హీరోగా అనీష్ ఆర్ కృష్ణ దర్శకత్వంలో ఐరా క్రియేషన్స్ పతాకంపై.. నిర్మాత ఉషా మూల్పూరి నిర్మిస్తున్న చిత్రం ‘కృష్ణ వ్రింద విహారి’. ఈ చిత్రానికి సంబంధించి ఇప్పటికే విడుదలైన టీజర్, ఫస్ట్ సింగల్ ప్రేక్షకుల నుండి మంచి స్పందనను రాబట్టుకున్న విషయం తెలిసిందే. తాజాగా ఈ చిత్ర విడుదల తేదీని మేకర్స్ ప్రకటించారు. ఈ చిత్రం సమ్మర్ స్పెషల్గా మే 20న ప్రపంచవ్యాప్తంగా థియేటర్లలో విడుదల చేయబోతున్నట్లుగా తెలుపుతూ.. మేకర్స్ ఓ పోస్టర్ని విడుదల చేశారు. ఇందులో నాగశౌర్య సూపర్ కూల్గా కనిపిస్తున్నారు.
మరో వైపు సినిమా ప్రమోషన్స్ కూడా చిత్రయూనిట్ జోరుగా కొనసాగిస్తుంది. మ్యూజికల్ ప్రమోషన్స్లో భాగంగా విడుదలైన ఈ చిత్రంలో మొదటి పాట ‘వర్షంలో వెన్నెల’ చార్ట్ బస్టర్గా నిలిచింది. ఈ పాటలో నాగశౌర్య, షిర్లీ సెటియా కెమిస్ట్రీ అదిరింది అనేలా కామెంట్స్ కూడా వినిపించాయి. మహతి స్వరసాగర్ స్వర పరిచిన ఈ పాట వీక్షకులని అలరించడమే కాకుండా.. సినిమా కోసం వెయిట్ చేసేలా చేయడంలో సక్సెస్ సాధించింది. కాగా, సీనియర్ హీరోయిన్ రాధిక ఈ చిత్రంలో ఓ కీలక పాత్రలో కనిపించనున్నారు.