Koffee With Karan లో సెలబ్రిటీ లవ్బర్డ్స్
ABN , First Publish Date - 2022-05-12T00:56:07+05:30 IST
బాలీవుడ్ దర్శకుడు, నిర్మాత కరణ్ జోహార్ (karan johar) మే 4న కీలక ప్రకటన చేశాడు. తాను హోస్ట్ చేసే చాట్ షో ‘కాఫీ విత్ కరణ్’ (Koffee With Karan) 7వ సీజన్ ‘డిస్నీ+హాట్స్టార్’ లో స్ట్రీమింగ్ కానుందని
బాలీవుడ్ దర్శకుడు, నిర్మాత కరణ్ జోహార్ (karan johar) మే 4న కీలక ప్రకటన చేశాడు. తాను హోస్ట్ చేసే చాట్ షో ‘కాఫీ విత్ కరణ్’ (Koffee With Karan) 7వ సీజన్ ‘డిస్నీ+హాట్స్టార్’ లో స్ట్రీమింగ్ కానుందని ప్రకటించాడు. ఈ సీజన్లో సారా అలీఖాన్ ( Sara Ali Khan) , జాన్వీ కపూర్ (Janhvi Kapoor), ఆలియా భట్ (Alia bhatt), రణ్వీర్ సింగ్(Ranveer Singh)తో పాటు సౌత్ సెలబ్రిటీలు పాల్గొనబోతున్నారని బాలీవుడ్ మీడియా తెలుపుతోంది. ఈ సారి షోకు బీ టౌన్ సెలబ్రిటీ లవ్బర్డ్స్ను ఆహ్వానించారని తెలుస్తోంది.
రొమాంటిక్ కఫుల్ మలైకా అరోరా (Malaika Arora), అర్జున్ కపూర్ (Arjun Kapoor)ను ఇప్పటికే ‘కాఫీ విత్ కరణ్’ మేకర్స్ సంప్రదించారని బాలీవుడ్ మీడియా కోడై కూస్తోంది. అందుకు ఈ జంట అంగీకారం కూడా తెలిపిందని సమాచారం. తాము డేటింగ్ చేస్తున్నామని 2019లో అర్జున్, మలైకా ఇన్స్టాగ్రామ్ వేదికగా అందరికీ తెలియజేశారు. త్వరలోనే ఈ జంట పెళ్లి చేసుకొబోతున్నారని బీ టౌన్లో గుసగుసలు వినిపిస్తున్నాయి. సోషల్ మీడియా వేదికగా వీరు హింట్ కూడా ఇచ్చారు.