‘కెజియఫ్ 2’ సంచలనం.. 10వేలకి పైగా స్ర్కీన్లు.. 40 లక్షల టికెట్స్!
ABN , First Publish Date - 2022-04-14T04:08:08+05:30 IST
కన్నడ స్టార్ హీరో యశ్, ప్రశాంత్ నీల్ కాంబినేషన్‌లో రూపొందిన ‘కెజియఫ్ 2’ అనేక సంచలనాలకు కేంద్రబిందువు మారి.. నెట్ ప్రపంచంలో దూసుకుపోతుంది. దాదాపు ‘ఆర్ఆర్ఆర్’ మార్గంలోనే ఈ చిత్రం విడుదలకు ముందే రికార్డులను
కన్నడ స్టార్ హీరో యశ్, ప్రశాంత్ నీల్ కాంబినేషన్‌లో రూపొందిన ‘కెజియఫ్ 2’ అనేక సంచలనాలకు కేంద్రబిందువు మారి.. నెట్ ప్రపంచంలో దూసుకుపోతుంది. దాదాపు ‘ఆర్ఆర్ఆర్’ మార్గంలోనే ఈ చిత్రం విడుదలకు ముందే రికార్డులను క్రియేట్ చేస్తూ టాక్ ఆఫ్ ద వరల్డ్ అవుతోంది. తాజాగా ఈ చిత్రం ప్రపంచవ్యాప్తంగా 10వేలకి పైగా స్ర్కీన్లలో విడుదల కాబోతున్నట్లుగా మేకర్స్ అధికారికంగా ప్రకటించారు. అలాగే ఇప్పటికే బుక్ మై షో, పేటీఎమ్ వంటి టికెట్ బుకింగ్ ప్లాట్‌ఫామ్స్‌లో 40 లక్షలకి పైగా టికెట్స్ అమ్ముడైనట్లుగా కూడా అధికారికంగా ప్రకటించారు. ఈ అంకెలే ఈ సినిమా కోసం ప్రేక్షకులు ఎంతగా ఎదురుచూస్తున్నారనే దానికి నిదర్శనంగా కనిపిస్తున్నాయి. ఇంకొన్ని గంటల్లో ప్రేక్షకుల ముందుకు రాబోతున్న ఈ చిత్రం.. మొదటిరోజు భారీ రికార్డులను క్రియేట్ చేయడం ఖాయంగా అయితే కనిపిస్తుంది. యశ్ సరసన శ్రీనిధి శెట్టి హీరోయిన్‌గా నటించిన ఈ చిత్రంలో ప్రకాశ్ రాజ్, రావు రమేష్, సంజయ్ దత్, రవీనా టాండన్ వంటివారు కీలక పాత్రల్లో నటించారు.
