అల వైకుంఠపురములో హిందీ రీమేక్ Shehzada లో Allu Arjun గెస్ట్ రోల్..? Kartik Aaryan ఏం తేల్చాడంటే..

బాలీవుడ్‌లో మంచి క్రేజ్ ఉన్న యంగ్ హీరోల్లో కార్తీక్ ఆర్యన్ (Kartik Aaryan) ఒకరు. వరుసగా సూపర్ హిట్ చిత్రాలతో దూసుకుపోతున్న ఈ నటుడికి మంచి ఫ్యాన్ ఫాలోయింగ్ ఉంది. ఇటీవలే విడుదలైన ‘భూల్ భూలయ్యా 2’ సూపర్ హిట్ అవ్వడంతో ఈ నటుడి క్రేజ్ మరింత పెరిగింది. ఈ తరుణంలో అల్లు అర్జున్ సూపర్ హిట్ మూవీ ‘అల వైకుంఠపురములో’ రిమేక్‌లో నటిస్తున్నాడు.

ఈ చిత్రం ‘షాహజాదా (Shehzada)’ పేరుతో హిందీలో రిమేక్ అవుతోంది. కృతి సనన్ హీరోయిన్‌గా నటిస్తోంది. కాగా.. ఈ మూవీ గురించి తాజాగా ఓ క్రేజీ వార్త నెట్టింట హల్‌చల్ చేస్తోంది. అల్లు అర్జున్ (Allu Arjun) ఈ సినిమాలో అతిథి పాత్రలో కనిపించనున్నాడనేది ఆ వార్త సారాంశం. ఈ బాలీవుడ్ మూవీ నిర్మాతల్లో అల్లు అరవింద్ ఒకరు కావడం. ‘పుష్ప’ సినిమాతో అల్లు అర్జున్‌కి దేశవ్యాప్తంగా ఫాలోయింగ్ పెరగడంతో ఈ న్యూస్ నిజమేననే అందరూ అనుకున్నారు. అవి రూమర్స్ మాత్రమేనంటూ తాజాగా కార్తీక్ ఆర్యన్ ఈ వార్తలని కొట్టిపడేశాడు.

కార్తీక్ మాట్లాడుతూ.. ‘అలాంటిదేం లేదు. అల్లు అర్జున్ మా సినిమాలో ఎటువంటి అతిథి పాత్ర చేయట్లేదు. కాకపోతే ఆయన తండ్రి అల్లు అరవింద్ ఈ సినిమాని నిర్మిస్తున్నారు’ అని చెప్పుకొచ్చాడు. కాగా.. ‘లుకా చుప్పి’ వంటి సూపర్ హిట్ తర్వాత కార్తీక్, కృతి కలిసి నటిస్తున్న మూవీ కావడంతో.. ఈ సినిమాపై భారీ అంచనాలు ఉన్నాయి. నిజానికి కార్తీక్ మరి కొన్ని ప్రాజెక్టులలో నటించాల్సి ఉంది. కానీ పలు కారణాల వల్ల వాటి నుంచి ఈ యువ నటుడు బయటికి వచ్చాడు.