Karthikeya 2: విడుదలపై క్లారిటీ వచ్చేసింది..
ABN , First Publish Date - 2022-07-12T17:32:24+05:30 IST
యంగ్ హీరో నిఖిల్ సిద్ధార్ధ (Nikhil Siddhartha) అనుపమా పరమేశ్వరన్ (Anupama Parameswaran) హీరోయిన్గా నటిస్తున్న తాజా చిత్రం ‘కార్తికేయ 2’ (Karthikeya 2).
యంగ్ హీరో నిఖిల్ సిద్ధార్ధ (Nikhil Siddhartha) అనుపమా పరమేశ్వరన్ (Anupama Parameswaran) హీరోయిన్గా నటిస్తున్న తాజా చిత్రం ‘కార్తికేయ 2’ (Karthikeya 2). ఈ సినిమా రిలీజ్ విషయంలో హీరో సిద్దార్థ్ సోషల్ మీడియా ద్వారా క్లారిటీ ఇచ్చాడు. సూపర్ హిట్ ‘కార్తికేయ’ (Karthikeya) చిత్రానికిది సీక్వెల్ అనే విషయం తెలిసిందే. ఈ మూవీ చందుమొండేటి (Chandu Mondeti) దర్వకత్వంలో.. పురాతన దేవాలయం బ్యాక్ డ్రాప్లో హారర్ థ్రిల్లర్ గా తెరకెక్కింది. సస్పెన్స్ ఎలిమెంట్స్తో గ్రిప్పింగ్ స్ర్కీన్ ప్లేతో ప్రేక్షకుల్ని ఎంతగానో మెప్పించింది చిత్రం.
ఈ నేపథ్యంలో ఇప్పుడు దీనికి సీక్వెల్గా ‘కార్తికేయ 2’ వస్తుండటంతో ప్రేక్షకుల్లో అంచనాలు బాగానే ఉన్నాయి. పీపుల్స్ మీడియా ఫ్యాక్టరీ, అభిషేక్ అగర్వాల్ ఆర్ట్స్ బ్యానర్స్ చిత్రాన్ని సంయుక్తంగా నిర్మిస్తున్నాయి. శ్రీకృష్ణ తత్వంపై రెండో భాగం మరింత ఆసక్తికరంగా రూపొందుతోంది. ఇటీవల విడుదలైన ఈ సినిమా ట్రైలర్కు ప్రేక్షకుల నుంచి విశేష స్పందన లభించింది. అయితే, ఈ సినిమాని ప్రపంచ వ్యాప్తంగా జూలై 22న థియేటర్స్లో విడుదల చేయాలని మేకర్స్ ముందు అనుకున్నారు. అయితే, ఆ తేదీకి రిలీజ్ కావడం లేదు.
ఈ విషయాన్ని చిత్ర హీరో నిఖిల్ తాజాగా ప్రకటించాడు. ఈ మేరకు ట్విట్టర్లో పోస్ట్ పెట్టాడు. దీనిలో 'కార్తికేయ 2 జూలై కాకుండా ఆగస్టులో రిలీజ్ చేసే అవకాశాలున్నాయని తెలుపుతూ ఇప్పటికే ప్రీమియర్ షోస్ కోసం టికెట్ కొన్న ప్రేక్షకులకు ఆ డబ్బు తిరిగి ఇవ్వబడుతుంది'.. అని రాసుకొచ్చారు. అంతేకాదు, మూవీ పోస్ట్ చేస్తున్నందుకు గానూ, ప్రేక్షకు సారీ కూడా చెప్పాడు నిఖిల్. కాగా, త్వరలోనే ఈ సినిమా కొత్త విడుదల తేదీని ప్రకటించనున్నారు.