Indraja: ‘యమలీల’ అవకాశం అలా వచ్చింది..

‘యమలీల’ (Yamaleela) సినిమా ప్రస్తావన వచ్చినా, ఈ సినిమాలో నటించిన ఆలీ (Ali), ఇంద్రజ (Indraja)ల గురించి మాట్లాడుకున్నా ముందు గుర్తు చేసుకునేది ‘నీ జీను ప్యాంటు చూసి బుల్లెమ్మో’ అనే పాటనే. అంతగా ఈ పాట పాపులర్ అయింది. అయితే, ఈ సినిమాలో హీరోయిన్ అవకాశం ఎలా వచ్చిందో సీనియర్ నటి ఇంద్రజ తాజాగా ఇచ్చిన ఓ ఇంటర్వ్యూలో తెలిపారు. ‘యమలీల’ లాంటి బ్లాక్ బస్టర్ మూవీ తర్వాత ముప్పై సినిమాలకు పైగా హీరోయిన్‌గా నటించారు. ఇంద్రజ హీరోయిన్‌గా అంతగా క్రేజ్ తెచ్చిన సినిమా ‘యమలీల’. 

అయితే, ఈ సినిమాలో ఎంపిక కావడానికి కారణం ‘జంతర్‌ మంతర్‌’ అనే మూవీ. ఈ సినిమా షూటింగ్ జరుగుతున్న సమయంలో సెట్స్‌కి వెళ్ళిన దర్శకుడు ఎస్వీ కృష్ణారెడ్డి (SV Krishna Reddy)..షూటింగ్ సమయంలో ఇంద్రజ పర్ఫార్మెన్స్‌ చూసి ఆయన యమలీల సినిమా కోసం అనుకుంటున్న అమ్మాయి ఇలాగే ఉండాలని ఫిక్సై ఆ సినిమాకు ఎంపిక చేసుకున్నారట. తాజాగా ఈ విషయాన్ని స్వయంగా ఇంద్రజ చెప్పుకొచ్చారు. ‘యమలీల’ బ్లాక్ బస్టర్ అవడంతో సూపర్ స్టార్ కృష్ణ, బాలకృష్ణ, మమ్ముట్టి, మోహన్‌లాల్‌ లాంటి స్టార్ హీరోల సరసన హీరోయిన్‌గా నటించే అవకాశాలు అందుకున్నారు.

ఇక పెళ్లి తర్వాత కొంత గ్యాప్ తీసుకున్న ఇంద్రజ, మళ్ళీ అక్క, వదిన, తల్లి పాత్రల్లో నటిస్తూ అలరిస్తున్నారు. అలాగే, బుల్లితెరపై ప్రసారమవుతున్న పాపులర్ షోకి జడ్జ్‌గానూ వ్యవహరిస్తున్నారు. ఇప్పటికీ తరగని అందంతో అలరిస్తున్న ఆమెకి ఫ్యాన్ ఫాలోయింగ్ కూడా ఇటీవల కాలంలో బాగా పెరిగింది. సినిమాలే కాకుండా సీరియన్స్‌లోనూ మంచి పాత్రలు పోషిస్తూ ఆకట్టుకుంటున్నారు. అవకాశం వస్తే అది సినిమా అయినా, సీరియల్ అయినా, షో అయినా వెంటనే అంగీకరిస్తున్నారు. ప్రస్తుతం ఇంద్రజ మంచి ఫాంలో కొనసాగుతున్నారు.