కోలీవుడ్‌లో పూజా హెగ్డే కోలాహలం... ఇళయదళపతితో కలసి 100 మిలియన్లు!

ఇళయదలపతి విజయ్ హీరోగా నటిస్తోన్న సినిమా ‘బీస్ట్’. పూజా హెగ్డే హీరోయిన్‌గా నటిస్తుంది. నెల్సన్ దిలీప్ కుమార్ తెరకెక్కిస్తున్నాడు. యాక్షన్ ఎంటర్ టైనర్‌గా తెరకెక్కిన ఈ చిత్రం వేసవిలో విడుదల కానుంది. ‘బీస్ట్’ మూవీ నుంచి ఈ మధ్యే మొదటి సాంగ్‌గా ‘అరబిక్ కుత్తు’ విడుదలయింది. ఈ పాటను సింగర్ జోనితా గాంధీ ఆలపించింది. ‘అరబిక్ కుత్తు’ సాంగ్‌కు సెలబ్రెటీలు కూడా ఫిదా అయ్యారు. రీల్స్ చేస్తూ అభిమానులను మెస్మరైజ్ చేస్తున్నారు. ఈ మధ్యే సమంత ఎయిర్ పోర్టులో ఈ పాటకు డ్యాన్స్ చేసి ఇన్‌స్టాగ్రామ్‌లోని అభిమానులతో పంచుకుంది. 

‘బీస్ట్’ మూవీ నుంచి ‘అరబిక్ కుత్తు’ పాట విడుదలైన నాటి నుంచే పలు రికార్డులు క్రియేట్ చేస్తోంది. ఈ పాట విడుదలైన రెండు వారాలకే దాదాపుగా 100మిలియన్ల వ్యూస్ సాధించింది. దీంతో చిత్ర నిర్మాణ సంస్థ సన్ పిక్చర్స్ సోషల్ మీడియాలో ఓ పోస్ట్‌ను పెట్టింది. ‘అరబిక్ కుత్తు’ విడుదలైన 24గంటల్లోనే 25మిలియన్ వ్యూస్ సాధించి, 2.2 మిలియన్ లైక్స్ సొంతం చేసుకుంది. 4రోజుల్లో 50మిలియన్ వ్యూస్ సాధించిందని సంస్థ తెలిపింది. తాజాగా ఈ పాట 100మిలియన్ వ్యూస్ క్రాస్ చేసింది. 3.8మిలియన్ల మంది ఈ సాంగ్‌ను లైక్ చేశారు. నెట్టింట్లో ఎక్కడ చూసినా ‘హలమితీ హబీబో’ అంటూ ఈ పాట రీల్సే కనిపిస్తున్నాయి.