KGF 2 సినిమాలోని వయలెన్స్ డైలాగ్‌ను పెళ్లి కోసం వాడితే.. వైరల్‌గా మారిన పెళ్లి కార్డు..!

రాకింగ్ స్టార్ యశ్ హీరోగా నటించిన సినిమా ‘కెజియఫ్: చాప్టర్-2’. బాక్సాఫీస్ రికార్డులను తిరగరాసిన ‘కెజియఫ్-1’కు సీక్వెల్‌గా ఈ చిత్రం రూపొందింది. ఈ మూవీకి ప్రశాంత్ నీల్ దర్శకత్వం వహించాడు. పాన్ ఇండియాగా రూపొందిన ఈ సినిమా ప్రపంచవ్యాప్తంగా ఏప్రిల్ 14న విడుదలైంది. ఈ చిత్రంలో యశ్ నటనకు విమర్శకుల ప్రశంసలతో పాటు అభిమానుల మన్ననలు కూడా దక్కాయి. 

‘కెజియఫ్-2’ సినిమాలోని డైలాగులను హీరో యశే రాశాడు. ఈ విషయాన్ని పలు ఇంటర్వ్యూల్లో దర్శకుడైన ప్రశాంత్ నీలే స్వయంగా చెప్పాడు. ఈ సినిమా ట్రైలర్ విడుదలియిన్పటి నుంచే మంచి బజ్ ఉంది. ట్రైలర్‌లో యశ్ చెప్పిన ‘‘వయలెన్స్..వయలెన్స్..వయలెన్స్.. ఐ డోంట్ లైక్ ఇట్. ఐ అవైడ్’’ అనే డైలాగ్ ఎంత పాపులర్ అయిందో అందరికీ తెలిసిందే. ఈ డైలాగ్‌తో అనేక మీమ్స్‌ కూడా వచ్చాయి. అయితే ఇదే డైలాగ్‌ను కర్ణాటకలోని బెళగావికి చెందిన చంద్రశేఖర్‌ పెళ్లి కోసం వాడాడు. తన పెళ్లి పత్రికపై ప్రింట్ చేయించాడు. దీంతో ఆ వెడ్డింగ్ కార్డ్ వైరల్ అవుతోంది. 'మ్యారేజ్‌.. మ్యారేజ్‌.. మ్యారేజ్‌.. ఐ డోంట్‌ లైక్‌ ఇట్‌, ఐ అవైడ్‌, బట్‌ మై రిలేటివ్స్‌ లైక్‌ మ్యారేజ్‌, ఐ కాంట్‌ అవైడ్‌' అని శుభలేఖపై ముద్రించాడు. దీంతో ఈ వెడ్డింగ్‌ కార్డు సోషల్‌ మీడియాలో హల్‌చల్ చేస్తుంది. ఈ కార్డును చూసిన యశ్ అభిమానులు తెగ సంబరపడిపోతున్నారు. ఈ మూవీ బాలీవుడ్‌లో భారీ వసూళ్లను రాబడుతుంది. విడుదలైన ఆరు రోజుల్లోనే దాదాపుగా రూ. 240కోట్ల కలెక్షన్లను కొల్లగొట్టింది. బాక్సాఫీస్ వద్ద ఇదే దూకుడును ప్రదర్శిస్తే రాబోయే రోజుల్లో ‘దంగల్’ లైఫ్‌టైమ్ కలెక్షన్లను అధిగమించే అవకాశం ఉందని బాలీవుడ్ ట్రేడ్ వర్గాలు పేర్కొంటున్నాయి.