నేను సినిమా వైపు రావడానికి కారణం ఆయనే: Sukumar

Twitter IconWatsapp IconFacebook Icon

‘‘నేను సినిమాల్లోకి రావడానికి.. నాకు సినిమాతో అనుబంధం ఫామ్ అవ్వడానికి కారణం యాంగ్రీ మ్యాన్ రాజశేఖరే (Rajasekhar) కారణం’’ అని అన్నారు క్రియేటివ్ దర్శకుడు సుకుమార్ (Sukumar). డాక్టర్ రాజశేఖర్  నటించిన 91 వ సినిమా ‘శేఖర్’ (Shekar). జీవితా రాజశేఖర్ (Jeevitha Rajasekhar) దర్శకత్వంతో స్క్రీన్‪ప్లే అందించిన ఈ చిత్రాన్ని వంకాయలపాటి మురళీక్రిష్ణ సమర్పణలో.. పెగాసస్ సినీకార్ప్, టారస్ సినీకార్ప్, సుధాకర్ ఇంపెక్స్ ఐపీఎల్, త్రిపురా క్రియేషన్స్ పతాకాలపై బీరం సుధాకర్ రెడ్డి (Beeram Sudhakara Reddy), శివాని రాజశేఖర్ (Shivani Rajashekar), శివాత్మిక రాజశేఖర్ (Shivathmika Rajashekar), వెంకట శ్రీనివాస్ బొగ్గరం (Boggaram Venkata Srinivas) నిర్మించారు. అన్ని కార్యక్రమాలు పూర్తి చేసుకున్న ఈ చిత్రం ప్రపంచవ్యాప్తంగా మే 20న ప్రేక్షకుల ముందుకు రాబోతోంది. ఈ సందర్భంగా చిత్ర యూనిట్ హైదరాబాద్‪లోని హోటల్ దస్పల్లాలో ప్రీ రిలీజ్ వేడుకను గ్రాండ్‪గా నిర్వహించారు. ఈ కార్యక్రమానికి సుకుమార్ ముఖ్య అతిథిగా హాజరయ్యారు.


ఈ కార్యక్రమంలో దర్శకుడు సుకుమార్ మాట్లాడుతూ.. ‘‘నా జీవితంలో సినిమాకు సంబంధించి రాజశేఖర్‪గారితో  మంచి అనుబంధం ముడిపడింది. ఆయన హీరోగా పీక్‪లో ఉన్నప్పుడు ‘ఆహుతి (Aahuthi), ఆగ్రహం (Aagraham), తలంబ్రాలు (Talambralu), మగాడు (Magadu), అంకుశం (Ankusham)’.. వంటి సూపర్ డూపర్ హిట్ సినిమాలు చూసి ఆయన వీరాభిమానిని అయ్యాను. అప్పుడే మొట్టమొదటిసారి సినిమాకు సంబంధించిన ఆర్ట్ ఫామ్ అంటే.. నేను కూడా సినిమాలు చేయగలను అనే  కాన్ఫిడెంట్ వచ్చింది. దాంతో నేను మొదటిసారి రాజశేఖర్‪గారిని ఇమిటేట్ చేసి మాట్లాడేవాన్ని.. దాంతో మా ఊర్లో నేను చాలా  ఫేమస్ అయ్యాను. ఆ తర్వాత నన్ను స్కూల్‪లో తనలా మాట్లాడమనే వారు. అలా.. నేను కూడా సినిమాల్లోకి రాగలను, ఏమైనా చేయగలను అనే  అనుబంధం ఫామ్ అవ్వడానికి రాజశేఖర్‪గారే కారణం. ఇది అతిశయోక్తి కానే కాదు. అయితే ఇంతవరకు ఇలా చెప్పే సందర్భం ఎప్పుడూ రాలేదు కాబట్టి ఇప్పుడు చెపుతున్నాను. ఇలా నాకు సినిమాకు సంబంధించిన లైఫ్‪ను ఇంత అద్భుతంగా మార్చినందుకు, అందుకు కారణం అయినందుకు రాజశేఖర్‪గారికి థాంక్స్. మనం మన ఫ్యామిలీని ఇండస్ట్రీకి దూరం పెడతాం కానీ.. రాజశేఖర్‪గారు తన ఇద్దరి ఆడపిల్లలను కూడా ఇండస్ట్రీకి తీసుకురావడం చాలా గ్రేట్. జీవితగారు చాలా హార్డ్ వర్కర్.. తను ఫ్యామిలీని చూసుకుంటూ.. సినిమాతో పాటు దర్శకత్వం చేయడం చాలా కష్టం. కాబట్టి ఈ సినిమా జీవితగారి కోసం సక్సెస్ కావాలి. రామ జోగయ్య శాస్తి (Ramajogayya Sastry)గారు అద్భుతమైన పాటలు రాస్తున్నారు. అనూప్ (Anup Rubens)‪గారు ఎన్ని బ్లాక్ బస్టర్స్ ఇచ్చినా ఇలాగే వినయంగా ఉంటారు. ఈ నెల 20న వస్తున్న ‘శేఖర్’ చిత్రం పెద్ద హిట్ అవ్వాలని, టీమ్ అందరికీ మంచి పేరు తీసుకురావాలని కోరుతున్నాను..’’ అన్నారు.

నేను సినిమా వైపు రావడానికి కారణం ఆయనే: Sukumar


AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.