‘పుష్ప’ ఐటమ్‌సాంగ్‌కు సెగ.. ‘తగ్గేదే లే’ అంటోన్న పురుషుల సంఘం
ABN , First Publish Date - 2021-12-16T21:38:03+05:30 IST
ఐకాన్‌ స్టార్‌ అల్లు అర్జున్‌, దర్శకుడు కె.సుకుమార్‌ కాంబినేషన్‌లో తెరకెక్కి ఈనెల 17వ తేదీన విడుదల కానున్న ‘పుష్ప’ చిత్రంలోని ఐటమ్‌సాంగ్‌ ఇప్పుడు తమిళంలోనూ వివాదం రేపింది. ఈ పాటను తొలగించకుంటే పాటకు డ్యాన్స్‌ చేసిన
ఐకాన్‌ స్టార్‌ అల్లు అర్జున్‌, దర్శకుడు కె.సుకుమార్‌ కాంబినేషన్‌లో తెరకెక్కి ఈనెల 17వ తేదీన విడుదల కానున్న ‘పుష్ప’ చిత్రంలోని ఐటమ్‌సాంగ్‌ ఇప్పుడు తమిళంలోనూ వివాదం రేపింది. ఈ పాటను తొలగించకుంటే పాటకు డ్యాన్స్‌ చేసిన సమంత, పాట పాడిన ఆండ్రియా, సంగీత దర్శకుడు దేవీశ్రీ ప్రసాద్‌, గేయరచయిత వివేకాపై కేసు పెడతామని రాష్ట్రంలోని పురుషుల సంఘం హెచ్చరించింది. ఈ చిత్రంలో సమంత ఐటమ్‌ గర్ల్‌గా నర్తిస్తూ సాగే పాట ‘ఓ సొల్‌రియా...’ అనే పాట తమిళంలోనూ సూపర్‌ హిట్‌ అయింది. ఈ పాటను తెలుగులో చంద్రబోస్‌ రాయగా, తమిళంలో గేయరచయిత వివేకా రాశారు. ఇటీవల ఈ పాట లిరికల్‌ సాంగ్‌ను విడుదల చేయగా సూపర్‌డూపర్‌ హిట్‌ సాధించింది.
అయితే, ఈ ఐటమ్‌ సాంగ్‌ తెలుగులో ఇప్పటికే వివాదంగా మారింది. ఈ నేపథ్యంలో తమిళంలోనూ ఇది హిట్‌ కావడంతో పాటు వివాదాన్ని కూడా రేపింది. తమిళంలో ఈ పాటను ఆండ్రియా ఆలపించారు. ఇప్పటికే 20 మిలియన్‌ పైగా వ్యూస్‌ వచ్చాయి. అయితే, ఈ పాటలో ఉన్న పదాలు పురుష సమాజాన్ని మొత్తం కించపరిచేలా వుందని, అందుకే ఈ పాటను బ్యాన్‌ చేయాలని.. లేదంటే పోరాటంలో ‘తగ్గేదే లే’ అని తమిళనాడులోని పురుషుల సంఘం డిమాండ్‌ చేస్తోంది. కాగా, ఈ చిత్రం తమిళం, తెలుగు, మలయాళం, కన్నడ, హిందీ భాషల్లో పాన్‌ ఇండియా మూవీగా రిలీజ్‌ చేస్తున్నారు. ఈ చిత్ర ఆడియో ఐదు భాషల్లో హిట్‌ కావడం గమనార్హం.