హోలీ రోజు కొడుకుతో కలసి ఇసుక గూళ్లను నిర్మించిన కరీనా కపూర్

ABN , First Publish Date - 2022-03-19T01:44:46+05:30 IST

బాలీవుడ్ బ్యూటీ కరీనా కపూర్ రెండు దశాబ్దాలుగా సినీ ఇండస్ట్రీలో

హోలీ రోజు  కొడుకుతో కలసి ఇసుక గూళ్లను నిర్మించిన కరీనా కపూర్

బాలీవుడ్ బ్యూటీ కరీనా కపూర్ రెండు దశాబ్దాలుగా సినీ ఇండస్ట్రీలో కెరీర్‌ను కొనసాగిస్తోంది. ‘త్రీ ఇడియట్స్’, ‘గోల్ మాల్-3’, ‘బాడీ గార్డ్’, ‘బజరంగీ భాయిజాన్’, ‘ఉడ్తా పంజాబ్’ వంటి చిత్రాల్లో నటించి అభిమానులను అలరించింది. తాజాగా కరీన హాలీడేను ఎంజాయ్ చేయడానికి మాల్దీవులకు వెళ్లింది. ఆ ఫొటోలను సోషల్ మీడియా వేదికగా అభిమానులతో పంచుకుంది. 


కరీనా కపూర్ తన పిల్లలతో కలసి వేకేషన్‌ కోసం మాల్దీవులకు వెళ్లింది. ఈ ట్రిప్‌లో కరీన సోదరి కరిష్మా కపూర్ కూడా ఆమెకు జతయింది. కరీన హోలీ వేడుకలను మాల్దీవుల్లోనే జరుపుకొంది. హోలీ రోజు బీచ్‌లో తన కొడుకు జహంగీర్‌తో కలసి ఆమె సరదాగా ఆడుకుంది. తల్లీకొడుకులిద్దరూ ఇసుక గూళ్లను నిర్మించారు. ఈ సందర్భంగా తీసుకున్న పిక్‌ను ఇన్‌స్టాగ్రామ్ వేదికగా అభిమానులతో పంచుకుంది. ఆమె ఈ ఫొటోకు క్యాప్షన్ కూడా ఇచ్చింది. ‘‘హోలీ రోజు మేం ఇసుక గూళ్లను నిర్మించాం. హ్యాపీ హోలీ’’ అంటూ కరీన రాసుకొచ్చింది. ఈ ఫొటోకు బాలీవుడ్ సెలబ్రెటీ డిజైనర్ మనీశ్ మల్హోత్రా హార్ట్ ఎమోజీలతో కామెంట్ చేశాడు.  


బాలీవుడ్‌లో కెరీర్ విషయానికి వస్తే.. కరీనా కపూర్ ‘లాల్ సింగ్ చద్దా’ సినిమాలో నటిస్తుంది. ఈ చిత్రంలో ఆమిర్ ఖాన్ హీరోగా నటించాడు. ఈ ఏడాది ఆగస్టు 11న ఈ చిత్రం విడుదల కాబోతోంది. త్వరలోనే ఆమె ఓటీటీలోకి కూడా ఎంట్రీ ఇవ్వబోతున్నట్టు తెలుస్తోంది. సుజయ్ ఘోష్ దర్శకత్వంలో ఆమె నటించనుంది.



Updated Date - 2022-03-19T01:44:46+05:30 IST