హలీవుడ్కి ఎంట్రీ ఇస్తున్న మరో బాలీవుడ్ స్టార్ హీరోయిన్.. వండర్ వుమెన్తో కలిసి..
ABN , First Publish Date - 2022-03-08T18:03:44+05:30 IST
బాలీవుడ్లో అందంతో పాటు అభినయం ఉన్న నటీమణుల్లో అలియాభట్ ఒకరు. అందుకే ఎంతోమంది అభిమానులు..
బాలీవుడ్లో అందంతో పాటు అభినయం ఉన్న నటీమణుల్లో అలియాభట్ ఒకరు. అందుకే ఎంతోమంది అభిమానులు ఈ బ్యూటీ సినిమా కోసం ఎప్పుడెప్పుడా అని ఎదురు చూస్తూ ఉంటారు. రాజమౌళి దర్శకత్వంలో వస్తున్న ‘ఆర్ఆర్ఆర్’ ఈ బ్యూటీ పాన్ ఇండియా నటిగా మారిపోయింది. తాజాగా ఈ భామ హాలీవుడ్ సినిమాలో నటించనుంది. అది డీసీ మూవీ ‘వండర్ వుమెన్’ ద్వారా ప్రపంచవ్యాప్తంగా అభిమానులను సంపాదించుకున్న గాల్ గాడెట్తో కలిసి నటించనుంది.
ఈ విషయాన్ని ప్రముఖ సినీ క్రిటిక్ తరణ్ సోషల్ మీడియా వేదికగా తెలియజేశాడు. ఆయన ట్వీట్లో.. ‘అలియా భట్ త్వరలోనే నెట్ఫ్లిక్స్ ఫిల్మ్తో హాలీవుడ్కి ఎంట్రీ ఇవ్వనుంది. ఈ మూవీలో ప్రముఖ హాలీవుడ్ హీరోయిన్ గాల్ గాడెట్తో కలిసి పనిచేయనుంది. ‘హార్ట్ ఆఫ్ స్టోన్’ అనే ఈ అంతర్జాతీయ స్పై థ్రిల్లర్కి టామ్ హార్పర్ దర్శకత్వం వహించనున్నాడు’ అని రాసుకొచ్చాడు.
అయితే, అలియా కంటే ముందే దీపికా పదుకొనే, ప్రియాంక చోప్రా హాలీవుడ్ ఇండస్ట్రీకి అడుగుపెట్టారు. అంతేకాకుండా ప్రముఖ సౌతిండియన్ నటి సమంత కూడా అక్కడ ఓ మూవీ చేస్తోంది. వీరిలో ప్రియాంక మాత్రం అక్కడ వరుస సినిమాలు చేస్తూ దూసుకుపోతోంది. కాగా.. ఈ మూవీతో అలియా కూడా గ్లోబల్ నటిగా మారనుంది.