‘జెర్సీ’ సినిమా కథ నాదే.. కోర్టు మెట్లెక్కిన రచయిత..!

షాహిద్ కపూర్ హీరోగా నటించిన ‘జెర్సీ’ సినిమా వివాదంలో చిక్కుకుంది. కాపీరైట్ సమస్యలను ఎదుర్కోంటుంది. రూపేశ్ జైస్వాల్ అనే రచయిత ఈ కథ తనదంటూ కోర్టు మెట్లెక్కాడు. వివరాల్లోకి వెళ్లితే..

ఈ స్క్రిఫ్ట్‌ను 2007లోనే ‘ఫిలిం రైటర్ అసోసియేషన్‌’లో ‘ది వాల్’ పేరుతో రిజిస్టర్ చేశానని రూపేశ్ జైస్వాల్ తెలిపాడు. ప్రస్తుతం ఈ అసోసియేషన్‌ను ‘స్క్రీన్ రైటర్స్ అసోసియేషన్’ అని పిలుస్తున్నారని చెప్పాడు. ఈ కథ, కాన్సెఫ్ట్‌ను అక్రమ పద్ధతుల్లో ప్రతివాదులు సంపాదించారని వివరించాడు. తెలుగు, హిందీలో ‘జెర్సీ’ పేరుతో నిర్మించారని ఆరోపించాడు. తన కథ పూర్తిగా ఓ యువకుడి చుట్టూ క్రికెట్, కుటుంబ అనుబంధాల నేపథ్యంగా కొనసాగుతుందని వెల్లడించాడు. కథ, స్క్రిఫ్ట్‌లో తనకు తెలియకుండా ఎన్నో మార్పులు చేసి నిర్మించారన్నాడు. ‘నాకు ఆర్థిక నష్టాన్ని కలిగిస్తూ, ప్రతివాదులు అన్యాయంగా డబ్బును సంపాదిస్తున్నారు’ అని ఆ పిటిషన్‌లో పేర్కొన్నాడు.  

తెలుగులో ‘జెర్సీ’ సినిమాను 2019లో నిర్మించారు. ఈ చిత్రంలో నాని హీరోగా నటించాడు. గౌతమ్ తిన్ననూరి దర్శకత్వం వహించాడు. టాలీవుడ్‌లో ఈ మూవీ బాక్సాఫీస్ రికార్డులను తిరగరాసింది. దీంతో ఈ సినిమాను అదే పేరుతో బాలీవుడ్‌లో రీమేక్ చేశారు. ఏప్రిల్ 14న ఈ మూవీ థియేటర్స్‌లోకి రావాల్సి ఉండగా, యశ్ నటించిన ‘కేజీఎఫ్: చాప్టర్ -2’ కారణంగా ఏప్రిల్ 22కు వాయిదా పడింది.