బాలీవుడ్ స్టార్ సల్మాన్ ఖాన్‌కి పాము కాటు

బాలీవుడ్ స్టార్ హీరో సల్మాన్ ఖాన్ శనివారం (డిసెంబర్ 25) పాము కాటుకు గురయ్యాడు. గతరాత్రి పన్వేల్‌లోని తన ఫామ్‌హౌస్‌లో ఉండగా ఘటన జరినట్లు సమాచారం. దీని తర్వాత నటుడిని అర్థరాత్రి 3 గంటల ప్రాంతంలో దగ్గరలోని హాస్పిటల్‌కి తీసుకెళ్లగా.. చికిత్స అనంతరం డిశ్చార్జ్ అయ్యాడు. ఉదయం 9 గంటలకు ఫామ్‌హౌస్‌కి తిరిగి వచ్చిన ఈ కండల వీరుడి ఆరోగ్యం ప్రస్తుతానికి బాగానే ఉన్నట్లు తెలుస్తోంది.

సమాచారం ప్రకారం.. క్రిస్మస్ వేడుకలు, డిసెంబర్ 27న బర్త్ డే పార్టీ జరుపుకునేందుకు సల్మాన్, తన కుటుంబ సభ్యులు, స్నేహితులతో కలిసి ఫామ్‌హౌస్‌కి చేరుకున్నాడు. అయితే ఆ ప్రాంతం చుట్టూ కొండలు, అటవీ ప్రాంతం ఉండడంతో తరచుగా ఈ కాంప్లెక్స్‌లోకి పాములు, కొండచిలువలు వస్తుంటాయి. సరదాగా బయటి ప్రాంతంలో తిరుగుతున్న సమయంలో ఈ సంఘటన జరిగినట్లు తెలియవస్తోంది. కానీ ఆ పాము విషరహితం కావడంతో పెద్ద ప్రమాదం తప్పింది. కానీ 56వ పుట్టిన రోజుకి రెండు రోజుల ముందు ఇలా జరగడంపై విచారం వ్యక్తం చేస్తున్నారు ఈ స్టార్ ఫ్యాన్స్.