‘బిగ్బీ’కి ‘బాహుబలి’ భోజనం.. ఓ ఆర్మీకీ సరిపోతుందంటూ..
ABN , First Publish Date - 2022-02-21T16:40:40+05:30 IST
బాహుబలితో ఒక్కసారిగా పాన్ ఇండియా స్టార్గా మారిపోయాడు నటుడు ప్రభాస్...
బాహుబలితో ఒక్కసారిగా పాన్ ఇండియా స్టార్గా మారిపోయిన నటుడు ప్రభాస్. అనంతరం ఆయనే చేస్తున్నవన్నీ దేశవ్యాప్తంగా అలరించే సినిమాలే. అయితే యంగ్ రెబల్స్టార్ తన సినిమాల్లో నటించే యాక్టర్స్కి ఇంట్లో వండిన భోజనం పెడుతుంటాడనే విషయం తెలిసిందే. ఈ డార్లింగ్ యాక్టర్ ఇంతకుముందు దీపికా పదుకొనే, కరీనా కపూర్కి ఇంటి భోజనం పంపించాడు. తాజాగా బాలీవుడ్ మెగాస్టార్, ప్రాజెక్ట్ కే కో-స్టార్ అమితాబ్ బచ్చన్కి సైతం మీల్స్ పంపించాడట.
ఈ విషయాన్ని అమితాబ్ సోషల్ మీడియా వేదికగా పంచుకున్నారు. ఆయన చేసిన ట్వీట్లో.. ‘టీ 4198.. 'బాహుబలి' ప్రభాస్.. మీ ఔదార్యాన్ని కొలవలేం. మీరు ఇంట్లో వండిన, రుచికరమైన ఆహారాన్ని నాకు పంపించారు. మీరు పంపించిన భోజనంతో ఓ ఆర్మీకి ఒకపూట కడుపునింపొచ్చు. మీరు ప్రత్యేకంగా తయారుచేయించిన కుక్కీలు ఎంతో రుచికరంగా ఉన్నాయి. మీ కాంప్లిమెంట్స్కి సంతోషం’ అని రాసుకొచ్చారు.