కంటెంట్ ఉన్నోడి కటౌట్ చాలు.. ‘భీమ్లా నాయక్’ ఎలివేషన్!.. పోలా!
ABN , First Publish Date - 2022-03-25T23:46:59+05:30 IST
పవర్స్టార్ పవన్ కళ్యాణ్, రానా దగ్గుబాటి ముఖ్య పాత్రల్లో నటించిన చిత్రం ‘భీమ్లా నాయక్’. ఇటీవలే థియేటర్లలో విడుదలై బ్లాక్బస్టర్ విజయం సాధించిన ఈ చిత్రాన్ని తాజాగా ఓటీటీలోనూ విడుదల చేశారు. భీమ్లా నాయక్ ఇప్పుడు
పవర్స్టార్ పవన్ కళ్యాణ్, రానా దగ్గుబాటి ముఖ్య పాత్రల్లో నటించిన చిత్రం ‘భీమ్లా నాయక్’. ఇటీవలే థియేటర్లలో విడుదలై బ్లాక్బస్టర్ విజయం సాధించిన ఈ చిత్రాన్ని తాజాగా ఓటీటీలోనూ విడుదల చేశారు. భీమ్లా నాయక్ ఇప్పుడు డిస్నీ ప్లస్ హాట్స్టార్ ద్వారా ఇంటిల్లిపాదినీ అలరిస్తున్నాడు. ఓటీటీ ప్లాట్ఫామ్ డిస్నీ+హాట్స్టార్లో మార్చి 24 నుంచి స్ట్రీమింగ్ మొదలైన భీమ్లానాయక్ ఇప్పటికే రికార్డులు బద్దలుకొడుతుంది. ఈ సందర్భాన్ని పురస్కరించుకుని డిస్నీ+హాట్స్టార్తో కలిసి పవర్స్టార్ అభిమానులు ఓ వినూత్నమైన ఎలివేషన్ కార్యక్రమాన్ని హైదరాబాద్లోని నెక్లెస్రోడ్లో ఏర్పాటు చేశారు. మార్చి 25 సాయంత్రం జరిగిన ఈ కార్యక్రమంలో 300 మందికి పైగా పవర్స్టార్ పవన్కళ్యాణ్ అభిమానులు పాల్గొన్నారు.
‘కంటెంట్ ఉన్నోడికి కటౌట్ చాలు’ అని ‘గబ్బర్ సింగ్’లో చెప్పినట్లుగా ‘భీమ్లా నాయక్’ సినిమాలో ఏ విధంగా అయితే పవన్ కళ్యాణ్ జీపుపై కూర్చుంటాడో అదే తరహాలో జీపుపై పవన్ కటౌట్ను ఆవిష్కరించారు. ఓ సినిమా ప్రమోషన్ కోసం భారీ స్ధాయిలో ఎలివేషన్ చేయడం ఇదే తొలిసారి కావడం విశేషం. పవన్ కళ్యాణ్ మాస్కులు ధరించి నెక్లెస్ రోడ్లో సందడి చేయడమే కాకుండా ఇటువంటి ఎలివేషన్ కార్యక్రమానికి శ్రీకారం చుట్టారు. ఓ క్రేన్కు వేలాడదీసిన ఈ జీపు నెక్లెస్ రోడ్లో అన్ని వైపులా కనిపించేలా చేయడంతో పాటుగా పవన్ కళ్యాణ్ సినిమాల్లోని పాటలతో వీక్షకులలో ఆసక్తిని రేకెత్తించారు.