‘మాయ గంగ’ను విడుదల చేసిన సుకుమార్
ABN , First Publish Date - 2022-06-30T05:55:09+05:30 IST
జైద్ ఖాన్, సోనాల్ మోన్టైరో హీరోహీరోయిన్లుగా రూపొందిన ‘బనారస్’ చిత్రం త్వరలో విడుదల కానుంది.
జైద్ ఖాన్, సోనాల్ మోన్టైరో హీరోహీరోయిన్లుగా రూపొందిన ‘బనారస్’ చిత్రం త్వరలో విడుదల కానుంది. జయతీర్థ దర్శకత్వంలో తిలక్రాజ్ బల్లాల్ ఈ చిత్రాన్ని నిర్మించారు. ఇందులోని ‘మాయ గంగ’ పాటను మంగళవారం దర్శకుడు సుకుమార్ విడుదల చేశారు. ఈ సందర్భంగా ఆయన మాట్లాడుతూ ‘స్నేహితుడి కోసం తిలక్రాజ్ ఈ సినిమా చేయడం గొప్ప విషయం. ‘బెనారస్’ సినిమా ఎలా ఉంటుందో ‘మాయ గంగ’ పాట చెప్పేస్తుంది. హీరో జైద్ఖాన్ నాన్నగారు కర్నాటకలో పెద్ద పొలిటీషియన్. అయినా సినిమాలంటే ఆసక్తితో జైద్ ఈ ఫీల్డ్లోకి వచ్చారు. పాన్ ఇండియా లెవల్లో సినిమా పెద్ద హిట్ కావాలని కోరుకుంటున్నాను’ అన్నారు. తెలుగు, తమిళ, కన్నడ, మలయాళ, హిందీ భాషల్లో చిత్రాన్ని విడుదల చేస్తున్నట్లు నిర్మాత తిలక్రాజ్ బల్లాల చెప్పారు. తమ సినిమాను ఆదరించాలని దర్శకుడు జయతీర్థ కోరారు.