‘‘ పుష్ప’’ ఓటీటీ డీల్‌కు అమెజాన్ ప్రైమ్ ఎంత చెల్లించిందంటే..?

ఐకాన్ స్టార్ అల్లు అర్జున్ హీరోగా తెరకెక్కిన చిత్రం ‘‘ పుష్ప’’. లెక్కల మాస్టారు సుకుమార్ ఈ సినిమాకు దర్శకత్వం వహించారు. అమెజాన్ ప్రైమ్‌లో ఈ చిత్రం జనవరి 7న రాత్రి 8గంటల నుంచి స్ట్రీమ్ కానుంది. ఈ చిత్ర స్ట్రీమింగ్ హక్కులను అమెజాన్ ప్రైమ్ కోట్లు చెల్లించి సొంతం చేసుకుందని టాలీవుడ్‌లో గుసగుసలు వినిపిస్తున్నాయి.  

ఓటీటీ దిగ్గజమైన అమెజాన్ ప్రైమ్ దాదాపుగా రూ. 27కోట్ల నుంచి రూ.30కోట్లకు ఈ సినిమా హక్కులను సొంతం చేసుకుందని తెలుస్తోంది. ‘‘ చిత్రానికి సంబంధించిన శాటిలైట్ హక్కులకు అంత కంటే ఎక్కవ ధరే లభించింది. అమెజాన్‌లో ఈ సినిమా 4 భాషల్లో (తెలుగు, తమిళం, మలయాళం, కన్నడ) అందుబాటులో ఉంటుంది ’’ అని టాలీవుడ్‌కు సంబంధించిన వ్యక్తి చెప్పారు. ‘‘ పుష్ప’’ డిసెంబర్ 17, 2021న థియేటర్లల్లో విడుదల అయింది. సినిమా విడుదలయిన 21రోజుల్లకే ఓటీటీ ప్లాట్‌ఫాంలో స్ట్రీమ్ కాబోతుండటం విశేషం. ఈ సినిమాలో రష్మిక మందన్న, సునీల్, ఫహద్ ఫాజిల్, అనసూయ తదితరులు కీలక పాత్రలు పోషించారు.