Akshay Kumar సినిమాకు దారుణమైన కలెక్షన్లు.. Samrat Prithviraj కు మొదటి వారం వచ్చింది అంతేనా..?

బాలీవుడ్ నటుడు అక్షయ్ కుమార్ (Akshay Kumar) తాజాగా నటించిన సినిమా ‘సామాట్ర్ పృథ్వీరాజ్’ (Samrat Prithviraj). ప్రపంచవ్యాప్తంగా జూన్ 3న విడుదల అయింది. ఈ చిత్రానికి చంద్ర ప్రకాష్ ద్వివేది (Chandraprakash Dwivedi) దర్శకత్వం వహించాడు. యశ్ రాజ్ ఫిలిమ్స్ (Yash Raj Films) నిర్మించింది. ఈ చిత్రంలో మిస్ యూనివర్స్-2017 టైటిల్ విజేత మానుషి చిల్లర్ (Manushi Chhillar) హీరోయిన్‌గా నటించింది. ‘సామ్రాట్ పృథ్వీరాజ్’ మూవీని రూ. 200కోట్ల భారీ బడ్జెట్‌తో తెరకెక్కించారు. ఈ సినిమాకు మిక్స్‌డ్ రివ్యూస్ రావడంతో బాక్సాఫీస్ వద్ద ఆశించిన మేర విజయం సాధించలేదు. మొదటి రోజు నుంచి కూడా చాలా తక్కువ వసూళ్లను రాబడుతుంది. 

ఢిల్లీని పరిపాలించిన పృథ్వీరాజ్ చౌహాన్ జీవితం ఆధారంగా ఈ చిత్రాన్ని రూపొందించారు. తొలి రోజు ఈ సినిమా రూ. 10.7కోట్ల వసూళ్లను రాబట్టింది. మొత్తంగా ఒక వారంలో రూ. 55కోట్ల కలెక్షన్స్‌ను కొల్లగొట్టిందని అంచనా. ఈ సినిమా విడుదలైన నాలుగో రోజే  ప్రేక్షకులు లేకపోవడంతో కొన్ని చోట్ల మార్నింగ్ షోస్‌ను క్యాన్సిల్ చేశారు. ఈ చిత్రం ఏడో రోజు రూ. 2.75కోట్ల వసూళ్లను రాబట్టింది. ఇండియన్ బాక్సాఫీస్ వద్ద ఈ మూవీ ఒక్క వారంలో రూ. 55కోట్ల కలెక్షన్స్‌ను రాబట్టిందని ట్రేడ్ వర్గాలు పేర్కొంటున్నాయి. బాలీవుడ్ నటుడు అక్షయ్ కుమార్ ఈ సినిమాలో పృథ్వీరాజ్ పాత్రలో కనిపించాడు. మహ్మమద్ ఘోరి దండయాత్రల నుంచి పృథ్వీరాజ్ భారత్‌ను ఏవిధంగా కాపాడాడనేది ఈ చిత్రంలో చూపించారు. ఈ మూవీలో సంయోగితగా మనూషి చిల్లర్ కనిపించింది. సంజయ్ దత్, సోనూ సూద్ కీలక పాత్రలు పోషించారు. హిందీ, తెలుగు, తమిళ్‌లో చిత్రాన్ని విడుదల చేశారు. ‘సామ్రాట్ పృథ్వీరాజ్’ తో పాటుగా ‘మేజర్’, ‘విక్రమ్’ సినిమాలు అదే రోజు విడుదల అయ్యాయి. ఈ రెండు చిత్రాలు గట్టి పోటీ ఇవ్వడంతో బాక్సాఫీస్ బరిలో ‘సామ్రాట్ పృథ్వీరాజ్’ నిలబడలేకపోయింది.