అఖిల్ ‘ఏజంట్’ విడుదల తేదీ ఖరారు

Twitter IconWatsapp IconFacebook Icon
అఖిల్ ఏజంట్ విడుదల తేదీ ఖరారు

అఖిల్ అక్కినేని హీరోగా స్టైలిష్ మేకర్ సురేందర్ రెడ్డి దర్శకత్వంలో హై బడ్జెట్‌తో రూపొందుతోన్న యాక్షన్ థ్రిల్లర్ చిత్రం ‘ఏజెంట్’. మలయాళ మెగాస్టార్ మమ్ముట్టి పవర్ఫుల్ పాత్రలో నటిస్తున్న ఈ చిత్రం.. ప్రస్తుతం హైదరాబాద్‌లో చిత్రీకరణ జరుపుకుంటోంది. తాజాగా ఈ చిత్ర విడుదల తేదీని మేకర్స్ ప్రకటించారు. ఈ చిత్రాన్ని స్వాతంత్ర్య దినోత్సవానికి మూడు రోజుల ముందు ఆగస్ట్ 12న ప్రపంచవ్యాప్తంగా గ్రాండ్‌గా విడుదల చేయబోతున్నట్లుగా తెలుపుతూ ఓ పవర్‌ఫుల్ పోస్టర్‌ని మేకర్స్ విడుదల చేశారు. ఈ చిత్రం దేశభక్తి అంశాలతో రూపొందుతోంది కాబట్టి, స్వాతంత్ర్య దినోత్సవం విడుదలకు అనువైన సమయంగా మేకర్స్ భావిస్తున్నారు. అంతేకాక ఆగస్ట్ 15వ తేదీ సోమవారం కావడంతో 4 రోజుల వీకెండ్ కూడా కలిసి వచ్చినట్లవుతుంది.


తాజాగా విడుదల చేసిన పోస్టర్ కూడా ఈ సినిమా ఏ రేంజ్‌లో తెరకెక్కుతుందో తెలియజేస్తోంది. అఖిల్ ఇప్పటి వరకు కనిపించిన దానికి భిన్నంగా యాక్షన్-ప్యాక్డ్ రోల్‌లో ఈ చిత్రంలో కనిపించనున్నారు. మరోవైపు మమ్ముట్టి కూడా పవర్‌ఫుల్ రోల్ ప్లే చేస్తున్నట్లుగా రీసెంట్‌గా విడుదల చేసిన పోస్టర్ చూస్తుంటే తెలుస్తుంది. స్పై థ్రిల్లర్‌గా తెరకెక్కుతున్న ఈ చిత్రంలో అఖిల్ సరసన సాక్షి వైద్య కథానాయికగా నటిస్తోంది. ఎకె ఎంటర్టైన్మెంట్స్, సురేందర్ 2 సినిమా పతాకాలపై రామబ్రహ్మం సుంకర నిర్మిస్తుండగా.. వక్కంతం వంశీ కథ అందించారు.


AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.