Aishwarya Rai: ఎవరికి దక్కని అదృష్టం నా కూతురికి దక్కింది.. ‘పొన్నియిన్ సెల్వన్’ ఈవెంట్‌లో ఐశ్వర్య వ్యాఖ్యలకి కారణమేంటంటే..

Twitter IconWatsapp IconFacebook Icon
Aishwarya Rai: ఎవరికి దక్కని అదృష్టం నా కూతురికి దక్కింది.. పొన్నియిన్ సెల్వన్ ఈవెంట్‌లో ఐశ్వర్య వ్యాఖ్యలకి కారణమేంటంటే..

దాదాపు 15 ఏళ్ల నుంచి సరైన సినిమాలు చేయకపోయినప్పటికీ క్రేజ్ ఏమాత్రం తగ్గని బ్యూటీ ఐశ్వర్యారాయ్(Aishwarya Rai). చాలా ఏళ్ల గ్యాప్ తర్వాత ఈ భామ సౌత్‌లో ఈ భామ నటించిన కొత్త చిత్రం ‘పొన్నియిన్ సెల్వన్’(Ponniyin Selvan). కల్కి కృష్ణమూర్తి రాసిన నవల ‘పొన్నియిన్ సెల్వన్’ ఆధారంగా తెరకెక్కిన ఈ చిత్రంలో చియాన్ విక్రమ్, కార్తీ, త్రిష, జయం రవి వంటి స్టార్లతో కలిసి నటిస్తోంది. ఈ చిత్రంలో ఎంతో కీలకమైన పాత్రనే యువరాణి నందిని క్యారెక్టర్‌ని చేస్తోంది.


రెండు భాగాలుగా రానున్న ఈ చిత్రంపై మొదటి నుంచే భారీ అంచనాలు ఉన్నాయి. అనంతరం విడుదలైన పోస్టర్లు, టీజర్, ట్రైలర్ మంచి రెస్పాన్స్ అందుకుని ఆ అంచనాలను ఇంకా పెంచేశాయి. ఈ సిరీస్‌లో మొదటి భాగం సెప్టెంబర్ 30న ప్రేక్షకుల ముందుకు రానుంది. దీంతో ఓ లాంచ్ ఈవెంట్‌‌ని నిర్వహించింది చిత్రబృందం. ఈ సందర్భంగా ఐశ్వర్య మాట్లాడుతూ పలు ఆసక్తికర విషయాలను పంచుకుంది.


ఐశ్వర్యా మాట్లాడుతూ.. ‘నా కూతురు ఆరాధ్య (Aaradhya) ఓ సారి ఈ మూవీ సెట్‌కి వచ్చింది. ఆ సెట్‌ని చూసి చాలా ఆశ్చర్యానికి లోనైంది. ఇదే సమయంలో మణిరత్నం సర్ పిలిచి మరి.. ఆరాధ్యకి ఓ సీన్ కోసం కట్ చెప్పేందుకు అవకాశం ఇచ్చాడు. మణిరత్నం సర్ అలా వేరే వారికి సీన్ కట్ చెప్పే అవకాశం ఇవ్వడం మొదటి సారి. అందుకే అందరూ ఆశ్చర్యపోయారు. అది తనకి, తన కూతురికి జీవితాంతం ఓ అద్భుతమైన జ్ఞాపకంగా మిగిపోతుంది’ అని చాలా సంతోషంగా చెప్పుకొచ్చింది. మణిరత్నం దర్శకత్వంలో ఐశ్యర్య చేయడం ఇది నాలుగోసారి. ఇంతకుముందు చేసిన మూడు చిత్రాలు కూడా మంచి విజయాన్ని అందుకున్నాయి. భారీ అంచనాల మధ్య విడుదల అవుతున్న ఈ మూవీ కూడా విజయం సాధిస్తుందని మూవీ టీం మొత్తం నమ్మకంగా ఉంది.

AJ Youtube channels bg ABN Indian Kitchen ABN Entertainment Bindass NewsBindass News ABN Something Special ABN Devotional ABN Spiritual Secrets ABN Telugu ABN Telangana ABN National ABN International
అంతర్జాలంలో ప్రకటనల కొరకు సంప్రదించండి
| For internet advertisement and sales please contact
Copyright © and Trade Mark Notice owned by or licensed to Aamoda Publications PVT Ltd.
Designed & Developed by AndhraJyothy.