రూటు మార్చిన రాజా

మాకు సినిమా తప్ప ఇంకేం తెలియదనే నటులు ఇండస్ట్రీలో చాలా మంది ఉన్నారు. అందులో మొదటి వరసలో ఉండే వారిలో రాజా రవీంద్ర ఒకరు. ఆయన ఏ పాత్ర చేసినా.. ఆ పాత్రకు ప్రాణం పెట్టేస్తారు. ఇప్పటి వరకు హీరోగా, విలన్‌గా, క్యారెక్టర్ ఆర్టిస్ట్‌గా.. అనేక వైవిధ్య భరితమైన పాత్రలలో నటించిన రాజా రవీంద్ర.. ఇప్పుడు సరికొత్త అవతారంలో ప్రేక్షకుల ముందుకు రాబోతున్నారు. ప్రస్తుతం ఆయన చేస్తోన్న ఓ చిత్రంలో ఇంతకు ముందు ఏ సినిమాలో కనిపించని లుక్‌లో రాజా రవీంద్ర కనిపించబోతున్నారు. ఈ లుక్‌కి సంబంధించిన పిక్స్ ఇప్పుడు సోషల్ మీడియాలో వైరల్ అవుతున్నాయి. 

ఈ పిక్స్‌లో.. మెడలో రుద్రాక్షమాల, పంచెకట్టు, చేతికి త్రిశూలం తాట్టూ, కాలికి చేతికి కడియాలు, నోటిలో చుట్ట, ముక్కుకి రింగ్ పెట్టి.. తెల్లటి కారు మీద కూర్చుని ఉన్నారు రాజా రవీంద్ర. అసలు ఈ పిక్స్‌లో ఉంది రాజా రవీంద్రేనా అనిపించేలా ఉన్న ఈ లుక్‌లో ఆయనని చూసిన వారంతా వావ్ అంటున్నారంటే.. ఇక ఈ సినిమాలో రాజా ఎలా చెలరేగిపోయి ఉంటాడో అర్థం చేసుకోవచ్చు. ఈ సినిమా అనే కాదు, కొంతకాలంగా ఆయనను గమనిస్తే.. రొటీన్‌కి భిన్నంగా రాజా రవీంద్ర రూటు మార్చాడనేది అర్థమవుతుంది. నటుడిగా ఇప్పుడాయన నిరూపించుకోవాల్సిన అవసరం లేదు. అందుకే వైవిధ్యభరిత పాత్రలకే ఇంపార్టెన్స్ ఇస్తూ.. తన స్థాయి ఇదని ఇండస్ట్రీకి ఇలాంటి పాత్రలతో తెలియజేస్తున్నారు.