‘దర్జా’ మూవీకి యాక్షన్ కింగ్ సపోర్ట్
ABN , First Publish Date - 2022-03-06T00:36:30+05:30 IST
‘దర్జా’ చిత్రం మంచి విజయం సాధించి, చిత్రంలో చేసిన ప్రతి ఒక్కరికీ మంచి పేరు రావాలని కోరారు యాక్షన్ కింగ్ అర్జున్. కామినేని శ్రీనివాస్ సమర్పణలో, పిఎస్ఎస్ ఎంటర్టైన్మెంట్స్ బ్యానర్పై సునీల్, అనసూయ ప్రధాన పాత్రలలో నటిస్తోన్న
‘దర్జా’ చిత్రం మంచి విజయం సాధించి, చిత్రంలో చేసిన ప్రతి ఒక్కరికీ మంచి పేరు రావాలని కోరారు యాక్షన్ కింగ్ అర్జున్. కామినేని శ్రీనివాస్ సమర్పణలో, పిఎస్ఎస్ ఎంటర్టైన్మెంట్స్ బ్యానర్పై సునీల్, అనసూయ ప్రధాన పాత్రలలో నటిస్తోన్న ఫిక్షన్ అండ్ యాక్షన్ ఎంటర్టైనర్ చిత్రం ‘దర్జా’. సలీమ్ మాలిక్ దర్శకత్వంలో తెరకెక్కుతోన్న ఈ చిత్రాన్ని శివశంకర్ పైడిపాటి నిర్మిస్తున్నారు. కో అండ్ ఎగ్జిక్యూటివ్ ప్రొడ్యూసర్గా రవి పైడిపాటి వ్యవహరిస్తున్నారు. ఈ చిత్రంలోని సునీల్ పాత్రకి సంబంధించిన మోషన్ పోస్టర్ని తాజాగా యాక్షన్ కింగ్ అర్జున్ విడుదల చేశారు.
ఈ సందర్భంగా అర్జున్ మాట్లాడుతూ.. ‘‘సలీమ్ మాలిక్ దర్శకత్వంలో తెరకెక్కుతున్న ‘దర్జా’ చిత్ర మోషన్ పోస్టర్ని విడుదల చేయడం జరిగింది. మోషన్ పోస్టర్ చాలా బాగుంది. చిత్రంలో నటించిన నటీనటులకు, సాంకేతిక నిపుణులకు ఆల్ ద బెస్ట్. ఈ చిత్రం పెద్ద సక్సెస్ సాధించాలని మనస్ఫూర్తిగా కోరుకుంటున్నాను..’’ అని తెలిపారు. అనంతరం సంగీత దర్శకుడు రాప్ రాక్ షకీల్ మాట్లాడుతూ.. ‘‘ముందుగా ఈ చిత్రంలోని సునీల్గారి మోషన్ పోస్టర్ను విడుదల చేసిన యాక్షన్ కింగ్ అర్జున్ గారికి ధన్యవాదాలు. ఇంతకుముందు విడుదలైన అనసూయగారి మోషన్ పోస్టర్లానే.. ఈ మోషన్ పోస్టర్ కూడా అందరినీ ఎగ్జైట్ చేస్తుంది..’’ అని అన్నారు.
కో అండ్ ఎగ్జిక్యూటివ్ ప్రొడ్యూసర్ రవి పైడిపాటి మాట్లాడుతూ.. ‘‘అనసూయగారి పాత్రకి సంబంధించిన ఫస్ట్ లుక్, మోషన్ పోస్టర్కు చాలా మంచి స్పందన వచ్చింది. ఇప్పుడు సునీల్గారి ఫస్ట్ లుక్, మోషన్ పోస్టర్ని విడుదల చేయాలని అనుకున్నప్పుడు ఎక్కడ, ఎలా చేద్దాం అని అనుకున్నాం. అయితే ఈ మధ్య పేపర్లలో చూసినప్పుడు పోస్ట్ కోవిడ్లో బ్లడ్ షార్టెజ్ బాగా ఉందని గమనించడం జరిగింది. దీంతో అన్నయ్య శివశంకర్ పైడిపాటిగారితో చర్చించి, ‘దర్జా’ టీమ్ మొత్తం ‘చిరంజీవి చారిటబుల్ ట్రస్ట్’లో రక్తదానం చేశాము. ఆ తర్వాత యాక్షన్ కింగ్ అర్జున్గారి చేతుల మీదుగా మోషన్ పోస్టర్ని విడుదల చేశాము. ఈ సందర్భంగా అర్జున్గారికి మా చిత్ర టీమ్ తరపున ప్రత్యేక ధన్యవాదాలు తెలియజేస్తున్నాము. ఈ మోషన్ పోస్టర్కు షకీల్గారు అద్భుతమైన ఆర్ఆర్ ఇచ్చారు. అనసూయగారి మోషన్ పోస్టర్లానే ఇది కూడా చాలా బాగా వచ్చింది.. అంతా ఎంజాయ్ చేస్తారని ఆశిస్తున్నాం. త్వరలోనే చిత్రానికి సంబంధించిన ఇతర వివరాలను తెలియజేస్తాం’’ అని తెలిపారు.