షూటింగ్లో హీరో గోపీచంద్కి ప్రమాదం
ABN , First Publish Date - 2022-04-30T01:13:02+05:30 IST
మ్యాచో హీరో గోపీచంద్, డైరెక్టర్ శ్రీవాస్ల కాంబినేషన్లో ఓ చిత్రం తెరకెక్కుతున్న విషయం తెలిసిందే. వీరిద్దరి కాంబినేషన్లో హ్యాట్రిక్ మూవీగా తెరకెక్కుతున్న ఈ చిత్రం..
మ్యాచో హీరో గోపీచంద్, డైరెక్టర్ శ్రీవాస్ల కాంబినేషన్లో ఓ చిత్రం తెరకెక్కుతున్న విషయం తెలిసిందే. వీరిద్దరి కాంబినేషన్లో హ్యాట్రిక్ మూవీగా తెరకెక్కుతున్న ఈ చిత్రం.. ప్రస్తుతం మైసూర్లో షూటింగ్ జరుపుకుంటోంది. ఈ షూటింగ్లో హీరో గోపీచంద్కి ప్రమాదం జరిగినట్లుగా మేకర్స్ ప్రకటించారు. అయితే భయపడాల్సిన అవసరం లేదని వారు తెలిపారు.
‘‘మైసూర్లో జరుగుతున్న షూటింగ్లో.. కాలు కొద్దిగా స్లిప్ అవడంతో గోపీచంద్ పడిపోయారు. దేవుని దయ వల్ల ఆయనకి ఏం కాలేదు. సురక్షితంగా ఉన్నారు. దయచేసి అభిమానులు, స్నేహితులు.. ఆందోళన చెందాల్సిన అవసరం లేదు’’ అని దర్శకుడు శ్రీవాస్ ఓ ప్రకటనను విడుదల చేశారు. కాగా, గోపీచంద్ 30వ చిత్రంగా తెరకెక్కుతున్న ఈ చిత్రాన్ని శ్రీవాస్ దర్శకత్వంలో పీపుల్ మీడియా ఫ్యాక్టరీ బ్యానర్పై నిర్మాతలు టీజీ విశ్వ ప్రసాద్, వివేక్ కూచిభొట్ల నిర్మిస్తున్నారు.