ఫ‌స్ట్ బేబీ బంప్‌తో.. అల్ట్రా స్టైలిష్ లుక్‌లో మెరిసిన స‌మంత‌

స్టార్ హీరోయిన్ సమంత రూత్ ప్రభు (Samantha Ruth Prabhu) జీవితంలో కొత్త అధ్యాయం మొదలు పెట్టిన విష‌యం తెలిసిందే. ఇటీవల తాను గర్భవతినని ప్రకటించిన సమంత.. ఇప్పుడు తొలిసారిగా తన బేబీ బంప్‌తో అధికారిక ఫొటోను పంచుకుని అభిమానులకు సర్‌ప్రైజ్ ఇచ్చింది. తాజా చిత్రంలో సమంత మస్టర్డ్ యెల్లో రంగు కేప్ గౌన్‌లో ఎంతో అందంగా కనిపించింది. టర్కాయిస్ డ్రాప్ ఇయర్‌రింగ్స్‌, స్టైలిష్ బన్ హెయిర్‌స్టైల్‌తో ఆమె లుక్ మరింత ఆకట్టుకుంది. ప్ర‌స్తుతం ఈ ఫొటో సోషల్ మీడియాలో వైరల్‌గా మారగా, అభిమానులు ఆమెకు మ‌రోమారు శుభాకాంక్షలు తెలియజేస్తున్నారు.

ఒకవైపు కెరీర్‌లో సక్సెస్‌ను ఆస్వాదిస్తూనే, మరోవైపు మాతృత్వాన్ని ఆహ్వానించేందుకు సిద్ధమవుతున్న సమంత.. ఇటీవ‌ల భర్త రాజ్ నిడిమోరు (Raj Nidimoru)తో కలిసి తమ తొలి బిడ్డకు స్వాగతం పలకబోతున్నామని ప్రకటించినప్పటి నుంచి ఆమె వ్యక్తిగత జీవితానికి సంబంధించిన ప్రతి అప్‌డేట్‌పై అభిమానులు ఆసక్తిగా ఎదురుచూస్తున్నారు. ఇప్పుడు బేబీ బంప్ ఫొటో బయటకు రావడంతో అభిమానుల్లో ఆనందం మరింత పెరిగింది.

ఇదిలా ఉంటే.. కెరీర్ పరంగానూ సమంత విజయాల పరంపర కొనసాగుతోంది. ఆమె ప్రధాన పాత్రలో తెరకెక్కిన మా ఇంటి బంగారం (Maa Inti Bangaaram) చిత్రం బాక్సాఫీస్ వద్ద ఘన విజయాన్ని అందుకుంది. సమంత సోలో హీరోయిన్‌గా నటించిన చిత్రాల్లో అత్యధిక వసూళ్లు సాధించిన సినిమాగా ఇది నిలిచినట్లు చ‌రిత్ర సృష్టించింది. ఇక స‌మంత‌ ఆరోగ్యంగా ఉండాలని, కొత్త జీవితానికి సంతోషంగా స్వాగతం పలకాలంటూ అభిమానులు సోషల్ మీడియాలో శుభాకాంక్షలు వెల్లువెత్తిస్తున్నారు.