Rambo: సోలో హీరోగా శ్రీతేజ్... విడుదలైన గ్లింప్స్!
ABN , Publish Date - Jun 17 , 2026 | 06:54 PM
యువ నటుడు శ్రీతేజ్ సోలో హీరోగా నటిస్తున్న సినిమా 'రాంబో'. గంగపట్నం శ్రీధర్ నిర్మిస్తున్న ఈ సినిమా గ్లింప్స్ తాజాగా విడుదలైంది.
యంగ్ ట్యాలెంటెడ్ శ్రీతేజ్ (Sritej) టైటిల్ పాత్రలో నటిస్తున్న యాక్షన్ ఎంటర్టైనర్ ‘రాంబో’ (Rambo). రత్నాకరం అనిల్ రాజు దర్శకత్వం వహిస్తున్న ఈ చిత్రాన్ని, 'హిడింబ' వంటి భిన్నమైన చిత్రాన్ని అందించిన నిర్మాత గంగపట్నం శ్రీధర్ (Gangapatnam Sridhar) నిర్మిస్తున్నారు. తాజాగా చిత్ర బృందం విడుదల చేసిన ‘రాంబో’ గ్లింప్స్ ప్రేక్షకుల్లో సినిమాపై అంచనాలు పెంచింది. 'ఒక మృగం మనిషిగా పుడితే వాడే రాంబో' అనే పవర్ఫుల్ డైలాగ్తో ప్రారంభమైన గ్లింప్స్ వైల్డ్ యాక్షన్తో ఆకట్టుకుంది.
శ్రీతేజ్ ఇంటెన్స్, అగ్రెసివ్ బాడీ లాంగ్వేజ్తో పాత్రలో పూర్తిగా ఒదిగిపోయాడు. ముఖ్యంగా యాక్షన్ సన్నివేశాల్లో అతను చూపించిన వైల్డ్ ఎనర్జీ, స్క్రీన్ ప్రెజెన్స్ పాత్రను మరింత బలంగా నిలబెట్టాయి. దర్శకుడు రత్నాకరం అనిల్ రాజు రాంబో పాత్రను డిజైన్ చేసిన తీరు ప్రత్యేక ఆకర్షణగా నిలిచింది. హీరో క్యారెక్టర్లోని వైల్డ్ ఎమోషన్స్ సినిమాపై ఆసక్తిని రెట్టింపు చేశాయి.
సినిమాటోగ్రాఫర్ శ్యామ్ కె. నాయుడు అందించిన విజువల్స్ గ్లింప్స్కు పర్ఫెక్ట్ లుక్ తీసుకొచ్చాయి. ప్రతి ఫ్రేమ్ కథలోని ఇంటన్సిటీ మరింత బలంగా కనిపించింది. సునీల్ కశ్యప్ అందించిన బ్యాక్గ్రౌండ్ స్కోర్ యాక్షన్ బ్లాక్స్ను మరో స్థాయికి తీసుకెళ్లగా, కోటగిరి వెంకటేశ్వరరావు ఎడిటింగ్ గ్లింప్స్ను మరింత షార్ప్గా, గ్రిప్పింగ్గా మలిచింది. మొత్తంగా, ‘రాంబో’ గ్లింప్స్ ఒక రా, వైల్డ్, పవర్ఫుల్ యాక్షన్ ఎక్స్పీరియన్స్కు హామీ ఇస్తూ, సినిమాపై ప్రేక్షకుల్లో క్యూరియాసిటీని పెంచింది. ఈ చిత్రంలో ఇతర ప్రధాన పాత్రలను రాజీవ్ సాలూరి, ఫర్నాజ్ శెట్టి, మైమ్ గోపీ, ఎం.ఎస్.ఆర్. మధుసూధనరావు, నీలిమ పాఠకంశెట్టి, ప్రసన్న కుమార్, కోటేశ్వరరావు, మిర్చి శ్రీనివాసరావు, రంగధామ్, మీర్ తదితరులు పోషిస్తున్నారు.
ఇవి కూడా చదవండి:
ప్రధాని మోదీ వీడియోలో.. అల్లు అర్జున్ AA23 థీమ్.. దేశవ్యాప్తంగా వైరల్
ఎయిర్ పోర్ట్లో వడ్డే నవీన్ పరపతి చూసి షాకయ్యా: వివి వినాయక్