ఆ ఇద్దరు.. కొత్త సినిమాకు శ్రీకారం..

'రాజు వెడ్స్ రాంబాయి' చిత్రానికి సమర్పకులుగా వ్యవహరించిన డా.నాగేశ్వరరావు పూజారి (Nageswararao Pujari) నిర్మాతగా సైన్మా స్టూడియోస్ బ్యానర్ పై తొలి చిత్రాన్నిప్రకటించారు. ఈ చిత్రానికి దర్శక నిర్మాత వేణు ఊడుగుల (Venu Udugula) సమర్పకులుగా వ్యవహరిస్తున్నారు.  పీవీఎన్ కార్తికేయ దర్శకత్వం వహిస్తున్నారు. ఆదివారం డా.నాగేశ్వరరావు పూజారి పుట్టినరోజు సందర్భంగా మోషన్ పోస్టర్ రిలీజ్ చేశారు.

ఈ పోస్టర్ లో ఒక అమ్మాయి కంటిని, ఆ కంటిలో అన్నా తమ్ముడు సైకిల్ పై వెళ్తుండటం చూపించారు. ఈ ప్రకృతి మనకు ఇచ్చిన స్నేహితుడు మన సోదరుడు, కానీ ఆ బంధానికి మధ్యలో అహం అనే అడ్డుగోడలు మనమే నిర్మించుకున్నాం. అంటూ పోస్టర్ పై రాసిన క్యాప్షన్ ఆసక్తి కలిగిస్తోంది. ఈ సినిమా సెట్స్ మీదకు వెళ్లేందుకు సిద్ధమవుతోంది. త్వరలో ఈ చిత్రానికి సంబంధించిన మరిన్ని వివరాలు మేకర్స్ వెల్లడించనున్నారు.