ప్రశాంత్ నీల్.. మూవీకి లైన్ క్లియ‌ర్‌

కేజీఎఫ్, సలార్ ఫేమ్ ప్రశాంత్ నీల్ (Prasanth Neel) సమర్పణలో మైత్రి మూవీ మేకర్స్ (Mythri Movie Makers) నిర్మిస్తున్న హారర్ థ్రిల్లర్ '418'. కీర్తన్ నందగౌడ (Kirtan Nadagouda) దర్శకత్వం వహిస్తున్న ఈ చిత్రంలో సూర్య రాజ్ (Surya Raj), చరణ్ లక్కరాజు (Charan Lakkaraju), ప్రీతీ పగడాల (Preethi Pagadala) కీలక పాత్రల్లో నటించారు.

అయితే ఇప్ప‌టికే విడుద‌ల కావాల్సిన ఈ చిత్రం అనూహ్యంగా వాయిదా ప‌డింది. సినిమాలో హ‌ర్ర‌ర్ స‌న్నివేశాల విష‌యంలో సెన్సార్ బోర్డ్ తీవ్ర అభ్యంత‌రాలు పెట్ట‌డంతో మేక‌ర్స్ మూవీ, ట్రైల‌ర్‌, రిలీజ్ అన్నింటినీ వాయిదా వేసుకోక త‌ప్ప‌లేదు.

అయితే.. తాజాగా ఈ సినిమా సెన్సార్ కార్యక్రమాలను పూర్తి చేసుకుంది. సెన్సార్ బోర్డ్ ఈ చిత్రానికి 'ఏ' సర్టిఫికేట్ ఇచ్చి ప్రేక్షకులను హెచ్చరించింది. అలానే ఈ చిత్రాన్ని సెప్టెంబర్ 18న విడుదల చేయనున్నట్లు మేకర్స్ ప్రకటించారు. ఈ సినిమాతో ఒక నెవర్ బిఫోర్ హారర్ థ్రిల్లర్ ని నీల్, మైత్రి సంస్థ తీసుకువస్తున్నట్లుగా సినీ వర్గాల్లో చర్చ నడుస్తోంది. మరి '418' ఏ మేరకు ప్రేక్షకులను థ్రిల్ చేస్తుందో చూడాలి!