నేను రెడీకి గుమ్మడి కాయ కొట్టేశారు...

యంగ్ హీరో హవిష్ (Havish), డైరెక్టర్ త్రినాధ రావు నక్కిన (Trinadha Rao Nakkina) కాంబినేషన్‌లో తెరకెక్కుతున్న సినిమా 'నేను రెడీ'. ఈ సినిమాను హవిష్‌ సోదరి నిఖిల కోనేరు నిర్మిస్తున్నారు. కావ్యా థాపర్ (Kavya Thapar) ఇందులో హీరోయిన్‌గా నటిస్తోంది. ఈ సినిమా షూటింగ్ గురువారంతో పూర్తయ్యింది.

రామోజీ ఫిల్మ్ సిటీలో క్లయిమాక్స్‌ చిత్రీకరణతో సినిమా పూర్తయ్యిందని, గుమ్మడికాయ కొట్టేసి, కేక్ కట్ చేశామని మేకర్స్ తెలిపారు. సినిమా చాలా బాగా వచ్చిందని, శరవేగంగా పోస్ట్ ప్రొడక్షన్ వర్క్ పూర్తి చేసి ఈ వేసవిలో ప్రేక్షకుల ముందుకు తీసుకొస్తామని చెప్పారు. హవిష్‌ కెరీర్‌లో తొలి ఎంటర్ టైన్ మెంట్ మూవీ ఇదేనని, అన్ని వర్గాలను ఆకట్టుకునేలా ఈ సినిమా ఉంటుందని హామీ ఇచ్చారు. బ్రహ్మానందం, వెన్నెల కిషోర్, మురళీ శర్మ, శ్రీలక్ష్మి, జిటివి గణేష్, రోహిణి, హరితేజ, మణిచందన, ముమైత్ ఖాన్ ఈ చిత్రంలో ఇతర కీలక పాత్రలను పోషించారు. 'నేను రెడీ' చిత్రానికి మిక్కీ జె మేయర్ సంగీతం అందించారు.