Mahesh Babu: భాగ్యనగరంలో.. 'వారణాసి' యాక్షన్ సీక్వెన్స్

దర్శక ధీరుడు రాజమౌళి (Rajamouli), ప్రిన్స్ మహేశ్ బాబు (Mahesh Babu) క్రేజీ కాంబినేషన్ లో రూపుదిద్దుకుంటున్న సినిమా 'వారణాసి' (Varanasi). ఈ సినిమాకు సంబంధించిన ప్రమోషనల్ ఈవెంట్, ఆ సందర్భంగా విడుదల చేసిన గ్లింప్స్ యావత్ ప్రపంచంలోని సినిమా అభిమానుల దృష్టిని ఆకర్షించింది. ఒక్కసారిగా 'వారణాసి' మూవీకి హైప్ పెరిగింది. అయితే ఈ సినిమా షూటింగ్ ఎలాంటి హడావుడి లేకుండా సైలెంట్ గా జరిగిపోతోంది. ఇటీవలే ఈ సినిమా షూటింగ్ లో జాయిన్ అయ్యానని ప్రకాశ్‌ రాజ్ తెలిపారు.

'వారణాసి' మూవీ కోసం హైదరాబాద్ లో కాశీని తలపించేలా ఓ భారీ సెట్ ను నిర్మాతలు కె.ఎల్. నారాయణ, ఎస్.ఎస్. కార్తికేయ నిర్మించారు. ఈ సెట్ లోనే తాజాగా షూటింగ్ జరుగుతోంది. మహేశ్ బాబుతో పాటు ప్రకాశ్‌ రాజ్ సైతం ఇందులో పాల్గొన్నారు. ప్రస్తుతం మహేశ్ బాబు మీద ఓ హై ఓల్టేజ్ యాక్షన్ సీక్వెన్స్ తీస్తున్నారని తెలుస్తోంది. ప్రియాంక చోప్రా హీరోయిన్ గా నటిస్తున్న ఈ సినిమాలో పృథ్వీరాజ్ సుకుమారన్ ఓ కీలక పాత్రను పోషిస్తున్నాడు. వచ్చే యేడాది సమ్మర్ స్పెషల్ గా 'వారణాసి'ని మేకర్స్ రిలీజ్ చేయాలని అనుకుంటున్నారు.