ఫిల్మ్ సిటీలో పాట చిత్రీకరణలో...

యంగ్ హీరో హవిష్ (Havish), డైరెక్టర్ త్రినాధరావు నక్కిన (Trinadha Rao Nakkina) కాంబినేషన్‌లో తెరకెక్కుతున్న సినిమా 'నేను రెడీ' (Nenu Ready). కావ్యా థాపర్ (Kavya Thapar) హీరోయిన్‌గా నటిస్తున్న ఈ చిత్రాన్ని నిఖిల కోనేరు (Nikhila Koneru) నిర్మిస్తున్నారు. ఈ మూవీ నుండి వాలెంటైన్స్ డే కానుకగా విడుదల చేసిన పోస్టర్ అందరినీ ఆకట్టుకుంది. హీరో, హీరోయిన్ల చిరునవ్వుతో కనిపించడంతో అందరూ దాన్ని బాగా ఇష్టపడ్డారు. ఇప్పటికే టాకీ పార్ట్ చిత్రీకరణ పూర్తి చేసుకున్న ఈ సినిమా పోస్ట్ ప్రొడక్షన్ వర్క్ శరవేగంగా సాగుతోంది. ప్రేక్షకులకు పూర్తి స్థాయి వినోదాన్ని ఇచ్చే ఈ సినిమా వేసవి కానుకగా త్వరలోనే జనం ముందుకు రానుంది.

'నేను రెడీ' సినిమాకు మిక్కీ జే మేయర్ (Mickey J. Meyer) సంగీతం అందిస్తున్నారు. ఈ సినిమాకు సంబంధించిన చివరి పాట చిత్రీకరణ ప్రస్తుతం రామోజీ ఫిల్మ్ సిటీలో జరుగుతోందని మేకర్స్ తెలిపారు. దర్శకుడు త్రినాథరావు నక్కిన స్టైల్‌లోనే ఈ సినిమా వినోదాల విందును అందించబోతోందని నిర్మాత నిఖిల కోనేరు చెప్పారు. ఈ సినిమాలో బ్రహ్మానందం, 'వెన్నెల' కిషోర్, మురళీ శర్మ, శ్రీలక్ష్మి, జిటివి గణేష్, రోహిణి, హరితేజ, మహతి, రూపలక్ష్మి, జయవాణి, మాణిక్ రెడ్డి, బలగం, సత్యనారాయణ, రోహన్ రాయ్ తదితరులు ప్రధాన పాత్రలు పోషించారు.