Aakasamlo Oka Tara: చిట్టి చిట్టి చీమ.. ఎంత వినసొంపుగా ఉందమ్మా

మలయాళ స్టార్ హీరో, టాలీవుడ్ లవర్ బాయ్ దుల్కర్ సల్మాన్ (Dulquer Salman), సాత్విక (Satvika) జంటగాటి నటిస్తున్న చిత్రం ఆకాశంలో ఒక తార(Aakasamlo Oka Tara). పవన్ సాదినేని దర్శకత్వంలో తెరకెక్కుతున్న ఈ ఫీల్ గుడ్ మూవీని సందీప్ గుణ్ణం, రమ్య గుణ్ణం నిర్మిస్తున్నారు. ఇప్పటికే ఈ చిత్రం నుంచి రిలీజైన పోస్టర్స్ ప్రేక్షకులను విశేషంగా ఆకట్టుకున్నాయి. మంగళవారం దుల్కర్ సల్మాన్ పుట్టినరోజు కావడంతో ఈ చిత్రంలోని మొదటి లిరికల్ వీడియో సాంగ్ ని రిలీజ్ చేసి ఆయనకు స్పెషల్ గా బర్త్ డే విషెస్ తెలిపారు.

చిట్టి చిట్టి చీమ.. అంటూ సాగే ఈ సాంగ్ ఆద్యంతం ఆకట్టుకుంటుంది. జీవితంలో పైకి ఎదగాలనుకునే ఒక అమ్మాయి ఆశలను నెరవేర్చడానికి హీరో ఎలా సపోర్ట్ చేశాడు. సిటీకి వచ్చి స్వయంకృషితో ఎలా బతికారు అనేది ఈ వీడియోలో అద్భుతంగా చూపించారు. ఆస్ట్రోనాట్ అవ్వాలనుకొనే ఒక అమ్మాయి. సొంతూరు వదిలి సిటీకి వస్తుంది. ఎన్నో ఆశలు, కలలు ఉన్న ఆ అమ్మాయి పాత్ర గురించి శ్రీమణి లిరిక్స్ లో వివరించారు. ఇక ఆ లిరిక్స్ ని మరింత వినసొంపుగా వినేలా జీవీ ప్రకాష్ స్వరాలు సమకూర్చగా.. రమ్య బెహరా తన వాయిస్ తో నెక్స్ట్ లెవెల్ కి తీసుకెళ్లింది.

ఇక న్యాచురల్ గా ఉన్న విజువల్స్ గురించి చెప్పనవసరం లేదు. ఫ్రెష్ మ్యూజిక్ తో ఈ సాంగ్ చాలా అంటే చాలా హాయిగా అనిపిస్తుంది. జీవితంలో ఎదగాలనుకొనే ప్రతి అమ్మాయి మనసులోని భావాలను ఈ సాంగ్ లో చూపించారు. విభిన్నమైన కథలను ఎంచుకుంటూ హిట్స్ అందుకుంటున్న దుల్కర్ ఖాతాలో మరో హిట్ పడడం ఖాయమనిపిస్తుంది. త్వరలోనే ఈ సినిమా ప్రేక్షకుల ముందుకు రానుంది. మరి ఈ సినిమాతో దుల్కర్ ఎలాంటి విజయాన్ని అందుకుంటాడో చూడాలి.