బుచ్చిబాబు వదిలిన ‘జయహో జనార్ధన’ ఫస్ట్ సాంగ్

ఉప్పెన, పెద్ది చిత్రాల దర్శకుడు బుచ్చిబాబు సాన చేతుల మీదుగా ‘జయహో జనార్ధన’ సినిమా ఫస్ట్ లిరికల్ సాంగ్ విడుదలైంది. ‘చిందువేయవే చాందుక తుకడ’ అంటూ సాగే ఈ హై ఎనర్జిటిక్ పాటను శనివారం విడుదల చేశారు. జాతీయ అవార్డు గ్రహీత సుద్దాల అశోక్ తేజ సాహిత్యం అందించారు. జంగి రెడ్డి, మోహనా భోగరాజు ఆలపించిన ఈ పాటకు చరణ్ అర్జున్ సంగీతం అందించారు. పానుగంటి ప్రొడక్షన్స్ బ్యానర్‌పై పానుగంటి శరత్ రెడ్డి స్వీయ దర్శకత్వంలో ఈ చిత్రాన్ని నిర్మిస్తున్నారు. నరేష్ వాసం, రమ్యశ్రీ హీరోహీరోయిన్లుగా నటిస్తుండగా 30 ఇయర్స్ పృథ్వీ, చలాకి చంటి, రాఘవ తదితరులు కీలక పాత్రల్లో కనిపించనున్నారు. లవ్, కమర్షియల్, కామెడీ డ్రామాగా రూపొందుతున్న ఈ చిత్రానికి త్వరలో టీజర్, ట్రైలర్ విడుదల చేయనున్నట్లు నిర్మాత, దర్శకుడు తెలిపారు.