RAPO23: సెట్ లోకి అడుగుపెట్టిన బాలీవుడ్ స్టార్ హీరో..

ఎనర్జిటిక్ స్టార్ రామ్ పోతినేని (Ram Pothineni) హీరోగా, స్వీయ దర్శకత్వంలో తెరకెక్కిస్తున్న మోస్ట్ అవేటెడ్ మాస్ యాక్షన్ ఎంటర్‌టైనర్ RAPO23. ది స్టోరీ ఆఫ్ ఎ లోన్ వూల్ఫ్ అనే పవర్‌ఫుల్ ట్యాగ్‌లైన్‌తో రూపుదిద్దుకుంటున్న ఈ భారీ ప్రాజెక్ట్‌ పై ప్రేక్షకులు భారీ అంచనాలను పెట్టుకున్నారు. ఈ సినిమాలో రామ్ పోతినేని సరసన క్రేజీ బ్యూటీ సంయుక్త మీనన్ (Samyuktha) హీరోయిన్‌గా నటిస్తుండగా, రాపో సినిమాటిక్స్ (RAPO Cinematics) బ్యానర్‌పై కృష్ణ పోతినేని అత్యంత ప్రతిష్టాత్మకంగా నిర్మిస్తున్నారు. సెన్సేషనల్ మ్యూజిక్ డైరెక్టర్ సామ్ సీఎస్ సంగీతం అందిస్తోన్న ఈ చిత్రానికి సంబంధించి మేకర్స్ దసరా పండుగ సందర్భంగా ఒక బిగ్ అప్‌డేట్‌ను విడుదల చేశారు.

ఎప్పటినుంచో ఈ చిత్రంలో ప్రముఖ బాలీవుడ్ నటుడు, వర్సటైల్ యాక్టర్ రితేష్ దేశ్‌ముఖ్ ఒక కీలక పాత్రలో నటిస్తున్నాడు అంటూ వార్తలు వచ్చిన విషయం తెల్సిందే. తాజాగా ఆ వార్తలను మేకర్స్ నిజం చేశారు. దసరా పర్వదినాన్ని పురస్కరించుకుని చిత్ర యూనిట్ రితేష్ దేశ్‌ముఖ్‌కు గ్రాండ్ వెల్‌కమ్ చెబుతూ ఒక స్పెషల్ ప్రోమో వీడియోను విడుదల చేసింది. దీంతో పాటు ఈ సినిమాకు సంబంధించిన కొత్త షూటింగ్ షెడ్యూల్ కూడా ఈరోజే ప్రారంభమైనట్లు తెలిపారు. బాలీవుడ్‌లో వైవిధ్యమైన పాత్రలతో మెప్పించిన రితేష్ దేశ్‌ముఖ్ రాకతో ఈ ప్రాజెక్ట్‌కు నేషనల్ వైడ్ క్రేజ్ లభించనుంది. ప్రస్తుతం ఈ వీడియో సోషల్ మీడియాలో వైరల్ గా మారింది.

రామ్ సినిమాలో రితేష్ నటిస్తుండడంతో కినిమపి ఒక్కసారిగా హైప్ క్రియేట్ అయ్యింది. రెఢీ సినిమా నుంచి రామ్ - జెనీలియా మంచి స్నేహితులు అన్న విషయం అందరికీ తెల్సిందే. ఆ స్నేహ బంధంతో పాటు కథ కూడా నచ్చడంతో జెనీలియా భర్త, రితేష్ ఈ సినిమాకి గ్రీన్ సిగ్నల్ ఇచ్చినట్లు తెలుస్తోంది. మరి ఈ సినిమాతో రామ్.. హీరోగా, డైరెక్టర్ గా ఎలాంటి విజయాన్ని అందుకుంటాడో చూడాలి.