బాలకృష్ణకు.. విజయవంతంగా మోకాలి సర్జరీ

ఇటీవ‌ల కాకినాడ పోర్ట్‌లో గోపీచంద్ మ‌లినేని ద‌ర్శ‌క‌త్వంలో రూపొందుతున్న‌ సినిమా షూటింగ్‌లో ప్ర‌మాదానికి గురైన న‌ట‌సింహం నంద‌మూరి బాల‌కృష్ణ (Nandamuri Balakrishna) ప్ర‌స్తుతం హైద‌రాబాద్‌ ఏఐజీ ఆస్ప‌త్రిలో చికిత్స పొందుతున్న విష‌యం తెలిసిందే. అయితే.. బాల‌కృష్ణ తాజా ఆరోగ్య ప‌రిస్థితిపై వైద్యులు హెల్గ్ బులిటెన్ విడుద‌ల చేశారు. వైద్యుల బృందం గురువారం దాదాపు మూడు గంటల పాటు సర్జరీ నిర్వహించి బాలకృష్ణ ఎడమ మోకాలికి తగిలిన తీవ్ర గాయానికి ఏఐజీ ఆసుపత్రిలో విజయవంతంగా శస్త్రచికిత్స నిర్వహించారు. గాయం చుట్టూ గడ్డకట్టిన రక్తాన్ని తొలగించి, చీలిన టెండన్‌ను మోకాలిచిప్పకు తిరిగి బలంగా అమర్చారు.

అలాగే దెబ్బతిన్న సపోర్టింగ్‌ టిష్యూలను కూడా జాగ్రత్తగా పునర్నిర్మించారు. ఎలాంటి సమస్యలు తలెత్తకుండా ఆపరేషన్‌ పూర్తైనట్లు ఆర్థోపెడిక్‌ శస్త్రచికిత్స నిపుణుడు డాక్టర్‌ గౌతమ్‌ చౌదరి పేర్కొన్నారు. ఈ మేరకు ఏఐజీ ఆస్పత్రి మెడికల్‌ బులిటెన్‌ విడుదల చేసింది. ఆపరేషన్ విజయవంతంగా ముగిసిందని, ప్రస్తుతం బాలకృష్ణ ఆరోగ్య పరిస్థితి పూర్తిగా నిలకడగా ఉందని వైద్యులు వెల్లడించారు. ఆయనను కొంతకాలం విశ్రాంతి తీసుకోవాలని సూచించినట్లు తెలిసింది. ఈ మేర‌కు ఓ ప్ర‌క‌ట‌న సైతం రిలీజ్ చేశారు.

నందమూరి బాలకృష్ణ ఎడమ మోకాలికి తగిలిన తీవ్ర గాయానికి ఏఐజీ ఆసుపత్రిలో విజయవంతంగా శస్త్రచికిత్స నిర్వహించారు. ఈ మేరకు ఏఐజీ ఆస్పత్రి మెడికల్‌ బులిటెన్‌ విడుదల చేసింది. గురువారం వైద్యుల బృందం సుమారు మూడు గంటలపాటు శస్త్రచికిత్స నిర్వహించి, గాయం చుట్టూ గడ్డకట్టిన రక్తాన్ని తొలగించి, చీలిన టెండన్‌ను మోకాలిచిప్పకు తిరిగి బలంగా అమర్చారు. అలాగే దెబ్బతిన్న సపోర్టింగ్‌ టిష్యూలను కూడా జాగ్రత్తగా పునర్నిర్మించారు. ఎలాంటి సమస్యలు తలెత్తకుండా ఆపరేషన్‌ పూర్తైనట్లు ఆర్థోపెడిక్‌ శస్త్రచికిత్స నిపుణుడు డాక్టర్‌ గౌతమ్‌ చౌదరి పేర్కొన్నారు.

కొద్ది రోజుల క్రితం కాకినాడ పోర్ట్‌లో జరుగుతున్న తన తాజా సినిమా షూటింగ్‌లో యాక్షన్ సన్నివేశాల చిత్రీకరణ సమయంలో బాలకృష్ణ కాలుజారి పడడంతో మోకాలికి గాయమైంది. తొలుత స్వల్ప గాయంగా భావించినప్పటికీ, వైద్య పరీక్షల అనంతరం శస్త్రచికిత్స అవసరమని నిర్ణయించారు. సర్జరీ విజయవంతంగా పూర్తవడంతో అభిమానులు ఊపిరి పీల్చుకున్నారు. బాలకృష్ణ త్వరగా కోలుకుని మళ్లీ షూటింగ్‌లో పాల్గొనాలని అభిమానులు సోషల్ మీడియాలో ఆకాంక్షలు వ్యక్తం చేస్తున్నారు.