ఇది ఎన్టీఆర్, ఏఎన్నార్ వంటి దిగ్గజాలు జన్మించిన నేల- బాలయ్య

గాడ్ ఆఫ్ మాసెస్ నందమూరి బాలకృష్ణ (Nandamuri Balakrishna), సంచలన దర్శకుడు కొరటాల శివ (Koratala Siva) కలయికలో రాబోతోన్న చిత్రం గురువారం అధికారికంగా ప్రారంభమైంది. SLV సినిమాస్, యువసుధ ఆర్ట్స్ బ్యానర్లపై నిర్మాతలు సుధాకర్ చెరుకూరి, సుధాకర్ మిక్కిలినేని సంయుక్తంగా నిర్మిస్తున్న ఈ చిత్రం, అమరావతిలో జరిగిన పూజా కార్యక్రమంతో ఘనంగా ప్రారంభమైంది. ఈ పూజా కార్యక్రమానికి పలువురు ప్రముఖులు ముఖ్య అతిథులుగా హాజరయ్యారు. ఈ కార్యక్రమంలో ఆంధ్రప్రదేశ్‌లో చిత్రపరిశ్రమ అభివృద్ధికి సంబంధించి నందమూరి బాలకృష్ణ ఆసక్తికర వ్యాఖ్యలు చేశారు.

ఈ సందర్భంగా ఆయన మాట్లాడుతూ.. ‘‘కోట్లాది మంది అభిమానుల ప్రేమను, ఆప్యాయతను పొందడం నిజంగా నా అదృష్టం. ఈ ప్రారంభోత్సవ కార్యక్రమానికి హాజరైన మంత్రులు నారా లోకేష్, కందుల దుర్గేష్, అలాగే ప్రారంభ షాట్‌కు దర్శకత్వం వహించిన తేజస్వినికి నా హృదయపూర్వక ధన్యవాదాలు. నా బిడ్డ తేజస్విని గతంలో నా ‘అన్‌స్టాపబుల్’ షోకు సంబంధించి క్రియేటివ్ విభాగంలో పనిచేశారు. ఆంధ్రప్రదేశ్‌లో ఇంత భారీ స్థాయిలో ఒక సినిమా ప్రారంభోత్సవం జరిగి దాదాపు రెండు దశాబ్దాలు కావస్తోంది. దర్శకుడు, నిర్మాతలతో కలిసి నేను పనిచేయడం ఇదే మొదటిసారి కావడం ఈ సందర్భాన్ని మరింత ప్రత్యేకంగా నిలిపింది. అభిమానులు కోరుకునేలా ఈ సినిమా బ్రహ్మాండంగా ఉంటుంది.

ఆంధ్రప్రదేశ్ (Andhra Pradesh) ముఖ్యమంత్రి చంద్రబాబు నాయుడు, ఉప ముఖ్యమంత్రి పవన్ కళ్యాణ్ ప్రోత్సాహం, మద్దతుతో ఆంధ్రప్రదేశ్‌లో చలనచిత్ర పరిశ్రమ అభివృద్ధికి కృషి చేయడానికి మేమంతా కట్టుబడి ఉన్నాం. ఈ పరిశ్రమకు విజయవాడ ఒక కీలక కేంద్రంగా ఎదిగే సామర్థ్యం ఉంది. ‘అఖండ’ సినిమా కోసం మేము రాష్ట్రవ్యాప్తంగా అనేక అందమైన ప్రదేశాలలో విస్తృతంగా చిత్రీకరణ జరిపాం. చలనచిత్ర పరిశ్రమ వృద్ధితో పాటు, అమ్యూజ్‌మెంట్ పార్కులు, పర్యాటక మౌలిక సదుపాయాల అభివృద్ధిని కూడా మేము లక్ష్యంగా పెట్టుకున్నాం. ఇది ఎన్టీఆర్, ఏఎన్నార్ వంటి దిగ్గజాలు జన్మించిన నేల. రాష్ట్ర విభజన తర్వాత, పరిశ్రమ ఇక్కడ కూడా అభివృద్ధి చెందాలని మేము భావించాము. రాబోయే రోజుల్లో, పరిశ్రమకు మద్దతు ఇవ్వడానికి, బలోపేతం చేయడానికి ఉత్తమ మార్గాలను నిర్ణయించడానికి సంబంధిత వర్గాలన్నింటితోనూ చర్చిస్తాము.

ఆంధ్రప్రదేశ్ అద్భుతమైన షూటింగ్ లొకేషన్లతో అలరారుతోంది.. ఇక్క మరిన్ని నిర్మాణాలను ప్రోత్సహించడానికి తగిన ప్రోత్సాహకాలను అందించాల్సిన అవసరం ఉంది. అవసరమైన మౌలిక సదుపాయాలు, సౌకర్యాలన్నీ కల్పించేలా చూడటానికి మేము కట్టుబడి ఉన్నాం. ప్రస్తుతం కాకినాడ పోర్ట్‌లో గోపీచంద్ మలినేని దర్శకత్వంలో నా సినిమా షూటింగ్ జరుగుతోంది. అలాగే.. కొరటాల శివతో చేయబోయే సినిమాకు సంబంధించిన కీలకమైన షెడ్యూల్ కూడా ఆంధ్రప్రదేశ్‌లోనే చిత్రీకరించనున్నాం’’ అని బాలయ్య చెప్పుకొచ్చారు.

ఇవి కూడా చదవండి:

నిన్న రిజిస్టర్ మ్యారేజ్.. నేడు సంప్రదాయం ప్రకారం ఫైమా పెళ్లి

ఈ అమ్మాయికి పిలిచి అవకాశం ఇస్తే.. 15 కండీషన్లు పెట్టింది: బన్నీ వాసు

Tollywood: పర్శంటేజ్‌ పై ప్రొడ్యూసర్స్, డిస్ట్రిబ్యూటర్స్ షరతులు!