ఉస్తాద్‌ భగత్‌సింగ్‌: ‘ఆరా ఆఫ్‌ ఉస్తాద్‌’ ప్రోమో వచ్చేసింది..

పవన్‌కల్యాణ్‌ (Pawan Kalyan) హీరోగా హరీశ్‌ శంకర్‌ తెరకెక్కిస్తున్న చిత్రం ‘ఉస్తాద్‌ భగత్‌సింగ్‌’ (Ustaad Bhagat Singh). శ్రీలీల, రాశీఖన్నా నాయికలు. మైత్రీ మూవీ మేకర్స్‌ సంస్థ నిర్మిస్తోంది. చిత్రీకరణ పూర్తి చేసుకున్న ఈ చిత్రం ప్రస్తుతం పోస్ట్‌ ప్రొడక్షన్‌ పనుల్లో ఉంది. మార్చి 26న ప్రపంచవ్యాప్తంగా ఈ చిత్రం ప్రేక్షకుల ముందుకు రానుంది. ఈ నేపథ్యంలో దర్శకుడు ప్రమోషన్స్‌ షురూ చేశారు. సినిమాకు సంబంధించి ఒక్కో విషయాన్ని సోషల్‌ మీడియా వేదికగా విడుదల చేస్తున్నారు. ఇప్పటికే ఈ చిత్రం నుంచి బయటకు వచ్చిన ఫస్ట్‌ సింగిల్‌ సాంగ్‌ ఫ్యాన్స్‌ను ఉర్రూతలూగించింది. ఇప్పుడు సెకండ్‌ సింగిల్‌ సాంగ్‌ను విడుదల చేయడానికి మేకర్స్‌ సర్వం సిద్ధం చేశారు. ‘ఆరా ఆప్‌ ఉస్తాద్‌’ పేరుతో ఓ పాటను విడుదల చేయనున్నారు. (Aura Of Ustaad Song Promo)

దీనికి సంబంధించిన ప్రోమోను శుక్రవారం విడుదల చేశారు. ఫుల్‌ సాంగ్‌ను 22వ తేది ఆదివారం విడుదల చేయనున్నారు. ఈ మేరకు హరీశ్‌ శంకర్‌ ఆసక్తికరమైన ట్వీట్‌ చేశారు. ‘మళ్లీ లోడెడ్‌.. ఫుల్లీ లోడెడ్‌.. గేమ్‌ను డామినేట్‌ చేయడానికి మేం మళ్లీ వస్తున్నాం’ అంటూ మ్యూజిక్‌ మిసైల్‌ దేవిశ్రీ ప్రసాద్‌లో స్టూడియోలో దిగిన ఫొటోను షేర్‌ చేశారు. ప్రస్తుతం ఈ ప్రోమో నెట్టింట వైరల్‌ అవుతోంది.