Anaganaga Oka Raju: ఆంధ్రా టూ తెలంగాణా.. మోత మోగిపోద్ది చానా

Anaganaga Oka Raju: కుర్ర హీరో నవీన్ పోలిశెట్టి (Naveen Polishetty), మీనాక్షీ చౌదరి (Meenakshi Chaudhary) జంటగా మారి (Maari) దర్శకత్వంలో తెరకెక్కిన చిత్రం అనగనగా ఒక రాజు(Anaganaga Oka Raju). సితార ఎంటర్ టైన్మెంట్స్ బ్యానర్ పై సూర్యదేవర నాగవంశీ నిర్మించిన ఈ సినిమా జనవరి 14 న ప్రేక్షకుల ముందుకు రానుంది. ఇప్పటికే ఈ చిత్రం నుంచి రిలీజైన పోస్టర్స్, ట్రైలర్, సాంగ్స్ ప్రేక్షకులను విశేషంగా ఆకట్టుకున్నాయి. రిలీజ్ డేట్ దగ్గరపడుతుండడంతో ప్రమోషన్స్ మొదలుపెట్టిన మేకర్స్ తాజాగా ప్రీ రిలీజ్ ఈవెంట్ ను నిర్వహించారు.

ఇక ఈ ఈవెంట్ లోఒక స్పెషల్ సాంగ్ ను రిలీజ్ చేశారు. ఆంధ్రా టూ తెలంగాణా అంటూ సాగిన ఐటెంసాంగ్ అదిరిపోయింది. క్యాచీ లిరిక్స్ తో డీజే మ్యూజిక్ తో మిక్కీ జె మేయర్ పిచ్చెక్కించాడు. ఈ మధ్యకాలంలో హీరోయిన్లు ఐటెంసాంగ్స్ చేయడం కామన్ గా మారిపోయింది. అనగనగా ఒక రాజు సినిమాలో నవీన్ తో పాటు కుర్ర బ్యూటీ శాన్వీ మేఘన ఆడిపాడింది. అమ్మడి అందం, అభినయంకు కుర్రకారు ఫిదా అయిపోతారు అని చెప్పడంలో ఆశ్చర్యం లేదు.

చంద్రబోస్ అందించిన లిరిక్స్ భలే గమ్మత్తుగా ఉన్నాయి. చివర్లో నవీన్ హుక్ స్టెప్ అదిరిపోయింది. ఆంధ్రా టూ తెలంగాణా.. పడిచస్తారు మనపైనా అంటూ సాగే లిరిక్ అద్భుతంగా అనిపించింది. ఇక ఈ సాంగ్ ను ధనుంజయ్, సమీరా భరద్వాజ్ ఆలపించారు. ఇప్పటివరకు ఈ సినిమా నుంచి వచ్చిన సాంగ్స్ అన్ని ఒక ఎత్తు అయితే.. ఈ ఒక్క సాంగే మరో ఎత్తు అని చెప్పొచ్చు. ప్రస్తుతం ఈ సాంగ్ నెట్టింట వైరల్ గా మారాయి. మరి ఈ సినిమాతో నవీన్ ఎలాంటి విజయాన్ని అందుకుంటాడో చూడాలి.