నిన్న మహేశ్, నేడు బన్నీ.. లోకేష్ ‘డీసీ’కి ఫిదా!

తమిళ స్టార్ డైరెక్టర్ లోకేష్ కనగరాజ్ (Lokesh Kanagaraj) ప్రధాన పాత్రలో అరుణ్ మాథేశ్వరన్ దర్శకత్వంలో తెరకెక్కిన చిత్రం ‘డీసీ’ (DC). సన్ పిక్చర్స్ నిర్మించిన ఈ వైవిధ్యమైన చిత్రం ప్రేక్షకులతో పాటు సినీ ప్రముఖుల ప్రశంసలు అందుకుంటోంది. రీసెంట్‌గా సూపర్ స్టార్ మహేశ్ బాబు (Super Star Mahesh Babu) ఈ చిత్రాన్ని మెచ్చుకుంటూ పోస్ట్ చేయగా, తాజాగా ఐకాన్ స్టార్ అల్లు అర్జున్ (Icon Star Allu Arjun) సైతం ఈ సినిమాను వీక్షించి చిత్ర బృందంపై ప్రశంసల జల్లు కురిపించారు. లోకేష్ కనగరాజ్ నటనతో పాటు సినిమా మేకింగ్ అద్భుతంగా ఉందంటూ బన్నీ చేసిన ట్వీట్ ప్రస్తుతం సోషల్ మీడియాలో వైరల్ అవుతోంది.

సినిమాపై తన రివ్యూను పంచుకుంటూ.. ‘‘ఇప్పుడే ‘డీసీ’ సినిమా చూశాను. ఇది తమిళ చిత్రసీమలో ఒక క్లాసిక్ చిత్రం. అర్థం చేసుకునే వారికి ఇది ఒక అద్భుతమైన దృశ్య కావ్యంలా అనిపిస్తుంది. సినిమా ప్రేమికులందరూ తప్పక చూడాల్సిన చిత్రమిది. ఈ చిత్ర దర్శకుడు అరుణ్ మాథేశ్వరన్‌కు నా హృదయపూర్వక అభినందనలు. అనిరుధ్ అందించిన సంగీతం సినిమాకు మాస్టర్ బూస్టర్‌లా నిలిచింది. సాంకేతికంగా ఈ సినిమా అత్యున్నత ప్రమాణాలతో రూపొందింది’’ అంటూ అల్లు అర్జున్ కొనియాడారు.

చిత్రంలో నటించిన ఆర్టిస్టులందరూ అద్భుతంగా చేశారని, ముఖ్యంగా వామికా గబ్బి, హీరోగా నటించిన లోకేష్ కనగరాజ్ నటన ఎంతో ఆకట్టుకుందని బన్నీ పేర్కొన్నారు. ‘‘ఈ చిత్రానికి అతిపెద్ద పిల్లర్‌గా నిలిచిన నా దర్శకుడు లోకేష్ కనగరాజ్‌కు, నిర్మాతలు సన్ పిక్చర్స్, మొత్తం ‘డీసీ’ టీమ్‌కు నా ప్రత్యేక అభినందనలు’’ అని తెలిపారు. టాలీవుడ్ అగ్ర హీరోలైన మహేశ్ బాబు, అల్లు అర్జున్ వరుసగా ప్రశంసలు కురిపించడంతో రెండు తెలుగు రాష్ట్రాల్లోనూ ‘డీసీ’ చిత్రంపై అంచనాలు, క్రేజ్ మరింతగా పెరిగాయి. అల్లు అర్జున్ ట్వీట్‌కు చిత్రయూనిట్ స్పందిస్తూ.. ధన్యవాదాలు తెలిపింది. తెలుగు రాష్ట్రాల్లో ఈ సినిమా కలెక్షన్స్ స్టడీగా ఉన్నట్లుగా ట్రేడ్ రిపోర్ట్స్ చెబుతున్నాయి. మొత్తంగా అయితే.. దర్శకుడిగానే కాకుండా, హీరోగానూ లోకేష్ తన ప్రతిభను కనబరిచాడంటూ అంతా ప్రశంసలు వర్షం కురిపిస్తున్నారు. ఇదిలా ఉంటే, త్వరలోనే అల్లు అర్జున్‌తో లోకేష్ ఓ సినిమా చేయబోతున్న విషయం తెలియంది కాదు.

ఇవి కూడా చదవండి:

డీమోన్ పవన్ హీరోగా చేస్తోన్న ‘సాV3’ టీజర్ విడుదల

పెద్ద మనసుతో క్షమించండి.. బండ్ల గణేష్ పోస్ట్ వైరల్

వరుణ్ తేజ్‌కు హిట్.. కనకరాజు 10 డేస్ కలెక్షన్స్ ఎంతంటే