గాయాన్ని లెక్క చేయని బాలయ్య.. 'దాదా' షూటింగ్ రీ-స్టార్ట్!

వయసు అనేది కేవలం ఒక సంఖ్య మాత్రమే అని నిరూపిస్తూ.. కుర్ర హీరోలకు ఏ మాత్రం తీసిపోని ఎనర్జీతో బాక్సాఫీస్ వద్ద దూసుకుపోతున్నారు నటసింహం నందమూరి బాలకృష్ణ (Balakrishna).​ప్రస్తుతం మాస్ డైరెక్టర్ గోపీచంద్ మలినేని (Gopichand Malineni)దర్శకత్వంలో ఆయన నటిస్తున్న ప్రాజెక్ట్ దాదా (Dada). గతంలో వీరసింహారెడ్డితో బాక్సాఫీస్ వద్ద షేక్ చేసిన ఈ కాంబో.. ఇప్పుడు 'దాదా'తో మరోసారి మాస్ సునామీ సృష్టించేందుకు రెడీ అవుతోంది. ఇప్పటికే విడుదలైన గ్లింప్స్, పోస్టర్స్ సినిమాపై అంచనాలను ఆకాశాన్ని తాకేలా చేశాయి.​వృద్ధి సినిమాస్ బ్యానర్‌పై వెంకట సతీష్ కిలారు నిర్మిస్తోన్న ఈ మాస్ ఎంటర్‌టైనర్‌కు మ్యూజిక్ సెన్సేషన్ ఎస్.ఎస్. థమన్ మైండ్ బ్లోయింగ్ సంగీతాన్ని అందిస్తున్నారు. చందమామ కాజల్ అగర్వాల్ కథానాయికగా నటిస్తుండగా, యంగ్ హీరో మంచు మనోజ్ ఒక పవర్‌ఫుల్ రోల్‌లో అలరించబోతున్నారు.

అయితే.. ఇటీవల ఈ సినిమాలోని భారీ యాక్షన్ సన్నివేశాలు చిత్రీకరిస్తుండగా బాలకృష్ణ గాయపడ్డారు. దీంతో ఆయనకు వైద్యులు చిన్న సర్జరీ చేసి, కొన్ని వారాల పాటు పూర్తిగా విశ్రాంతి తీసుకోవాలని సూచించారు.​సాధారణంగా ఇలాంటి సర్జరీల తర్వాత ఏ హీరో అయినా కాస్త సమయం తీసుకుని, మెల్లగా సెట్స్ పైకి వస్తారు. కానీ బాలయ్య మాత్రం వేరు. రెస్ట్ తీసుకోవడానికి ఏమాత్రం ఆసక్తి చూపించకుండా, గాయం నుంచి పూర్తిగా కోలుకున్న మరుక్షణమే నేరుగా 'దాదా' సెట్స్‌లోకి అడుగుపెట్టేందుకు సిద్ధమయ్యారు. ఆయన చూపించిన ఈ స్పీడ్, డెడికేషన్ ఇప్పుడు సినీ ఇండస్ట్రీలో హాట్ టాపిక్‌గా మారింది.

ఇక దాదా సినిమా తదుపరి షెడ్యూల్ కోసం మేకర్స్ మైండ్ బ్లోయింగ్ ప్లాన్ చేశారు. కర్ణాటకలోని చారిత్రక నగరం మైసూరులో ఈ తదుపరి షెడ్యూల్ ప్లాన్ చేయగా.. ఇప్పటికే చిత్ర బృందం అక్కడికి చేరుకుంది.​లేటెస్ట్ సమాచారం ప్రకారం, బాలకృష్ణ రేపటి నుంచే ఈ మైసూర్ షెడ్యూల్ షూటింగ్‌లో జాయిన్ కాబోతున్నారట. అక్కడ ఆయనపై కొన్ని కీలకమైన మాస్ అండ్ యాక్షన్ సీన్స్ చిత్రీకరించేందుకు గోపీచంద్ మలినేని పక్కా ప్లాన్ చేశారు. ఈ మైసూర్ షెడ్యూల్ విజయవంతంగా పూర్తయిన వెంటనే, టోటల్ యూనిట్ నేరుగా ఆంధ్రాకు షిఫ్ట్ కానుంది. గతంలో కాకినాడలో అనివార్య కారణాల వల్ల ఆగిపోయిన షూటింగ్‌ను కూడా ఏమాత్రం గ్యాప్ లేకుండా కంప్లీట్ చేయడానికి మేకర్స్ స్పీడ్ పెంచారు.

హీరోకి గాయం కావడంతో సినిమా షూటింగ్ కాస్త ఆలస్యమైనప్పటికీ.. రిలీజ్ డేట్ విషయంలో మాత్రం చిత్ర యూనిట్ ఎక్కడా కాంప్రమైజ్ కావడం లేదు. ఎట్టి పరిస్థితుల్లోనూ ముందే ప్రకటించిన డిసెంబర్ 24వ తేదీకే 'దాదా'ను థియేటర్లలోకి తీసుకొస్తాం అని మేకర్స్ చాలా కాన్ఫిడెంట్‌గా చెబుతున్నారు. అభిమానులకు ఇచ్చిన మాటను నిలబెట్టుకోవడం కోసమే బాలకృష్ణ తన గాయాన్ని సైతం లెక్కచేయకుండా, నొప్పితో కూడా నాన్-స్టాప్ షూటింగ్‌లో పాల్గొంటున్నారు. బాక్సాఫీస్ వద్ద తన సినిమాను సకాలంలో దింపాలని బాలయ్య చూపిస్తున్న ఈ కమిట్‌మెంట్, డెడికేషన్ చూసి నందమూరి అభిమానులు ఫుల్ ఖుషీ అవుతున్నారు. మరి ఈ డిసెంబర్ 24న రిలీజ్ కాబోతున్న 'దాదా'తో నటసింహం బాక్సాఫీస్ వద్ద ఎలాంటి సంచలనాలు సృష్టిస్తారో చూడాలి.