70వ ఫిల్మ్‌ఫేర్ అవార్డ్స్.. పుష్ప ది రూల్‌ హ‌వా

70వ సౌత్‌ ఫిల్మ్‌ఫేర్‌ అవార్డుల వేడుక (70th Filmfare Awards) నిన్న (శ‌నివారం) కేరళలోని కొచ్చిలో అంగ‌రంగ‌ వైభ‌వంగా జ‌రిగింది. కేరళ (Kerala) ప్రభుత్వం కేర‌ళ టూరిజంతో క‌లిసి ఫిలింఫేర్‌ నిర్వ‌హించిన ఈ ఫంక్ష‌న్‌కు ద‌క్షిణాది సినీ తార‌లు అంతా హ‌జ‌రై వేడుక‌కు ప్ర‌త్యేక శోభను తీసుకొవ‌చ్చారు. ముఖ్యంగా ఐకాన్ స్టార్ అల్లు అర్జున్ రాక‌తో అక్క‌డ పండుగ వాతావ‌ర‌ణం నెల‌కొంది. వేలాది మంది అభిమానులు ఎయిర్ పోర్ట్‌కు సైతం త‌ర‌లి వ‌చ్చారు.

శ‌నివారం రాత్రి జ‌రిగిన వేడుక‌లో 2024లో థియేట‌ర్ల‌లో రిలీజైన తెలుగు, తమిళ్, మలయాళ, కన్నడ చిత్రాలలో న్యాయ నిర్ణేత‌లు ఎంపిక చేసిన‌ ఉత్త‌మ చిత్రాల‌కు, టెక్నీషియ‌న్ల‌కు పురస్కారాలు అంద‌జేశారు. వీటిలో ఉత్త‌మ న‌టుడు అల్లు అర్జున్‌, ఉత్త‌మ ద‌ర్శ‌కుడు సుకుమార్‌తో పాటు మ‌రో నాలుగు విభాగాల్లో పుష్ప‌-2 హ‌వా చాటి అవార్డులు ద‌క్కించుకుంది. ఈ అవార్డుతో అల్లు అర్జున్ 7 ఫిలింఫేర్ అవార్డుల‌తో తెలుగు నాట రికార్డు సృష్టించాడు. 9 అవార్డుల‌తో మెగాస్టార్ చిరంజీవి ప్ర‌థ‌మ స్థానంలో ఉన్నారు. ఇక‌.. 35 చిన్న క‌థ కాదు సినిమాకు గాను నివేదా థామ‌స్ ఉత్త‌మ న‌టి అవార్డు ద‌క్కించుకుంది.

ఫిలింఫేర్ అవార్డులు పొందిన.. న‌టులు, టెక్నీషియ‌న్ల‌ జాబితా

ఉత్తమ చిత్రం: పుష్ప 2: ది రూల్

ఉత్తమ దర్శకుడు: సుకుమార్ (పుష్ప 2: ది రూల్)

ఉత్త‌మ‌ డెబ్యూ (ఫిమేల్) - నయన్ సారిక (గం గం గణేశ)

ఉత్త‌మ‌ డెబ్యూ (మేల్) - సందీప్ సరోజ్ (కమిటీ కుర్రోళ్లు)

ఉత్త‌మ‌ డెబ్యూ (డైరెక్టర్) - యధు వంశీ (కమిటీ కుర్రోళ్లు)

(క్రిటిక్స్) ఉత్తమ నటుడు: తేజ సజ్జ (హను మాన్)

(క్రిటిక్స్) ఉత్తమ నటి : కాజల్ అగర్వాల్‌ (సత్యభామ)

ఉత్తమ నటుడు - అల్లు అర్జున్ (పుష్ప 2: ది రూల్)

ఉత్తమ నటి - నివేదా థామస్ (35 చిన్న కథ కాదు)

ఉత్తమ సహాయ నటుడు: అమితాబ్ బచ్చన్ (కల్కి 2898 AD)

ఉత్తమ సహాయ నటి: అంజలి (గ్యాంగ్స్ ఆఫ్ గోదావరి)

ఉత్త‌మ‌ మ్యూజిక్ ఆల్బమ్: దేవిశ్రీ ప్రసాద్ (పుష్ప 2)

ఉత్త‌మ‌ లిరిక్స్ - రామజోగయ్య శాస్త్రి (చుట్టమల్లె - దేవర)

ఉత్త‌మ‌ ప్లేబ్యాక్ సింగర్ (ఫిమేల్): శిల్పా రావు (చుట్టమల్లె - దేవర)

ఉత్త‌మ‌ ప్లేబ్యాక్ సింగర్ (మేల్): శ్రీకృష్ణ (కుర్చీ మడతపెట్టి- గుంటూరు కారం)

ఉత్త‌మ‌ కొరియోగ్రఫీ: శేఖర్ మాస్టర్‌ ( కుర్చీ మడతపెట్టి - గుంటూరు కారం)

ఉత్త‌మ‌ ప్రొడక్షన్ డిజైన్: రామకృష్ణ-మోనికా (పుష్ప 2), నితిన్ జిహానీ చౌదరి (కల్కి 2898 AD)