మ‌ర‌క‌తమ‌ణి 2.. వ‌చ్చేస్తోంది!

దాదాపు ద‌శాబ్దం క్రితం థియేట‌ర్ల‌లోకి వ‌చ్చి మంచి విజ‌యం సాధించిన చిత్రం మరగధ నానయం (Maragadha Naanayam). ఆది పినిశెట్టి (Aadhi Pinisetty), నిక్కీ గ‌ల్రానీ (Nikki Galrani) జంట‌గా ఫాంట‌సీ కామెడీ జాన‌ర‌లో వ‌చ్చిన ఈ చిత్రం చిన్న నుంచి పెద్ద వరకు ప్ర‌తి ఒక్క‌రిని అల‌రించి త‌మిళ‌నాట క్లాసిక్ సినిమాల జాబితాలో చోటు సంపాదించుకుంది.

ARK శ‌ర‌వ‌ణ‌న్ ర‌చించి ద‌ర్శ‌క‌త్వం చేసిన‌ ఈ సినిమాను మ‌ర‌క‌త మ‌ణి (Marakathamani) పేరుతో తెలుగులో రిలీజ్ చేయ‌గా ఇక్క‌డా మంచి విజ‌యం సాధించి తెలుగు ప్రేక్ష‌కుల మ‌న‌సులో సుస్థిర స్థానం ఏర్ప‌రుచుకుంది. అంతేగాక ఆల్‌టైం టాప్ టెన్ మ‌స్ట్ వాచ్ చిత్రాల్లో ఈ సినిమాకు సౌత్ వ్యాప్తంగా ప్ర‌త్యేక ఫ్యాన్ బేస్ ఉండ‌డం గ‌మ‌నార్హం.

అయితే.. ఇన్నాళ్ల‌కు ఈ మూవీ సీక్వెల్ మరగధ నానయం 2 (Maragadha Naanayam2) తెర మీద‌కు వ‌చ్చేందుకు సిద్ధ‌మైంది. గ‌త‌ సినిమా ద‌ర్శ‌కుడు ARK శ‌ర‌వ‌ణ‌న్ ఈ చిత్రాన్ని తెర‌కెక్కిస్తుండ‌గా ఆది మ‌రోసారి క‌థానాయకుడిగా న‌టిస్తున్నాడు. తాజాగా సోమ‌వారం ఈ సినిమా షూటింగ్ పూజా కార్య‌క్ర‌మాల‌తో ప్రారంభం కాగా కార్తి (Karthi), ఆర్య (Aarya) ముఖ్య అతిథులుగా విచ్చేసి క్లాప్ కొట్టి షూటింగ్ స్టార్ట్ చేశారు.

కాగా ఈ సినిమాలో నిక్కీ గ‌ల్రానీ మ‌రోమారు త‌న భ‌ర్త ఆది స‌ర‌స‌న న‌టిస్తోండ‌గా కొత్త‌గా ప్రియా భ‌వాని శంక‌ర్ (Priya Bhavani Shankar) సైతం మ‌రో క‌థానాయిక‌గా న‌టిస్తోండ‌డం విశేషం. ఈ నెలాఖ‌రు నుంచి నిర్విరామంగా షూటింగ్ చేసి ఈ ఏడాది చివ‌ర‌లో సినిమాను ప్రేక్ష‌కుల ఎదుట‌కు తీసుకు వ‌చ్చేందుకు ఫ్లాన్ చేస్తున్నారు.