జన నాయగన్: ఎడిటింగ్ దశ నుంచే లీక్..

తమిళ స్టార్ విజయ్ నటించిన 'జన నాయగన్' (jananayagan leak) సినిమా ఆన్‌లైన్‌లో క్వాలిటీ ప్రింట్ లీక్ కావడం ఇప్పుడు హాట్ టాపిక్‌గా మారింది. ఈ ఘటనతో చిత్ర బృందం మాత్రమే కాకుండా ఇండస్ట్రీనే షాక్‌కు గురి చేసింది. నిర్మాణ సంస్థ KVN ప్రొడక్షన్స్ కంప్లైంట్ మేరకు పోలీసులు కేసు నమోదు చేసి ఐదుగురు ప్రధాన నిందితులను పట్టుకున్నట్లు తెలిసింది. ఎడిటింగ్ దశ నుంచే ఈ సినిమా లీక్ అయినట్లు సమాచారం. పోస్ట్ ప్రొడక్షన్ వర్క్స్ టైంలోనే మూవీ లీక్ చేశారనే ప్రచారం సాగుతోంది. నెట్టింట వైరల్ అవుతున్న  ఫుటేజీలో వాటర్ మార్క్ ద్వారా ఈ లీక్ అక్కడి నుంచే జరిగినట్లు చెబుతున్నారు. ఇప్పటికే ఐదుగురిని అరెస్ట్ చేయగా.. వారే లింక్స్ షేర్ చేయడంలో కీలకంగా వ్యవహరించినట్లు సమాచారం.