Suriya: ‘కరుప్పు’లో నేను హీరో కాదు

ఆర్‌జే బాలాజీ (RJ Balaji) దర్శకత్వంలో రూపొందిన ‘కరుప్పు’లో (Karuppu) తాను హీరోను కాదని, కరుప్పు స్వామే కథానాయకుడని హీరో సూర్య (Suriya) అన్నారు. త్రిష (trisha) హీరోయిన్‌గా నటించిన ఈ చిత్ర  ఆడియోను మదురై వేదికగా తాజాగా ఆవిష్కరించారు. ఈ సందర్భంగా సూర్య మాట్లాడుతూ ‘నాకు  మదురై చాలా ప్రత్యేకం. ఈ ప్రాంత సంప్రదాయాలు, ఆహారం, రాజకీయాలు, దైవాల పట్ల గొప్ప భావం ఉంది. ఈ మదురై గడ్డకు నేను ఎంతగానో రుణపడి ఉంటా. ఇక్కడ చాలా చిత్రాల షూటింగులు చేశా. 28 యేళ్లుగా మదురై ప్రజల ప్రేమ, ఆప్యాయతలే నన్ను హీరోగా నిలబెట్టాయి. ఇది నాకు  ఆనందాన్నిస్తోంది. మదురై చిత్తిరై వేడుకలను తిలకించేందుకు 5 లక్షల మంది భక్తులు విచ్చేస్తారు. అలాంటి సమయంలో ఈ చిత్ర ఆడియోను మదురైలో రిలీజ్‌ చేయడం చాలా సంతోషంగా ఉంది.  ఈ సినిమా తొలి భాగం ఎమోషనల్‌గా సాగుతుందని, రెండో భాగం ప్రతి ఒక్కరూ ఎంజాయ్‌ చేసేలా ఉంటుందన్నారు. వచ్చే నెల 14వ తేదీన థియేటర్లలో కలుసుకుందాం’ అని పేర్కొన్నారు.