ఇద్దరు కుమారులతో.. మెట్ల మార్గంలో పళని కొండెక్కిన ధనుష్

హీరో ధనుష్ (Dhanush) శనివారం ఉదయం తన కుటుంబ సభ్యులతో కలిసి ప్రముఖ్య పుణ్యక్షేత్రమైన పళని మురుగన్ (Palani Temple) ఆలయానికి వెళ్లి స్వామివారిని దర్శించుకున్నారు. ఉదయం 6 గంటలకే మెట్ల మార్గంలో తన ఇద్దరు కుమారులు, తల్లిదండ్రులు, అక్కలతో కలిసి ధనుష్ కొండపైకి చేరుకుని పూజల్లో పాల్గొన్నారు.

ఆపై మురుగ పెరుమాళ్ను దర్శనం చేసుకుని, కొద్దిసేపు కొండపైనే ఉన్నారు. ఆ తర్వాత రోప్ కార్‌లో కొండదిగి వెళ్ళారు. తమ అభిమాన హీరో రాక గురించి తెలుసుకున్న ధనుష్ అభిమానులు పళని కొండ కిందిభాగంలో భారీ సంఖ్యలో చేరుకున్నారు. ఈ సందర్భంగా ధనుష్ సెల్ఫీలు తీసుకునేందుకు పోటీపడ్డారు. అయితే, పోలీసుల సాయంతో ధనుష్ కుటుంబ సభ్యులు కారులో ఎక్కి వెళ్ళిపోయారు.