ప్రదీప్‌ రంగనాథన్‌ ‘డ్రాగన్‌’కు సీక్వెల్‌

యంగ్‌ డైరెక్టర్‌ అశ్వత్‌ మారిముత్తు (Ashwath Marimuthu) దర్శకత్వంలో ప్రదీప్‌ రంగనాథన్‌ హీరోగా (Pradeep Ranganathan) నటించిన ‘డ్రాగన్‌’కు త్వరలోనే రెండో భాగం రానుంది. ఈ విషయాన్ని దర్శక హీరోలిద్దరూ తమతమ సోషల్‌ మీడియా వేదికగా వెల్లడించారు. ప్రదీప్‌ రంగనాథన్‌, అనుపమ పరమేశ్వరన్‌, కయదు లొహర్‌ హీరోహీరోయిన్లుగా నటించిన ఈ చిత్రం గత యేడాది విడుదలై రూ.100 కోట్లకుపైగా కలెక్షన్లు రాబట్టింది. (Dragon 2)

ఈ నేపథ్యంలో మూవీ విడుదలై  యేడాది పూర్తయిన సందర్భంగా దర్శక కథానాయకులు వేర్వేరుగా ట్వీట్‌ చేశారు. ‘డ్రాగన్‌-2’ మూవీ చిత్రం పోస్టర్‌ను షేర్‌ చేసి సీక్వెల్‌పై హింట్‌ ఇచ్చారు. అలాగే, దర్శకుడు చేసిన ట్వీట్‌లో ‘సెల్ఫ్‌ మేడ్‌ స్టార్‌ ప్రదీప్‌ రంగనాథన్‌తో కలిసి పనిచేయడం మంచి అనుభూతినిచ్చింది. త్వరలోనే మరోమారు ఈ కాంబో కలువనుంది’ అని పేర్కొన్నారు. దీంతో ‘డ్రాగన్‌’కు సీక్వెల్‌ ఖాయమని తెలుస్తోంది.