Manjari Fadnis: జాలి, దయ లేకుండా కొట్టి చంపేశారంటూ..

'సిద్ధూ ఫ్రమ్‌ శ్రీకాకుళం' హీరోయిన్  మంజరి ఫడ్నిస్‌ గుర్తుందా? బాలీవుడ్ నుంచి వచ్చిన ఈ బ్యూటీ ఇప్పుడు సౌత్ సినిమాలకు దూరంగా ఉంది. తాజాగా ఆమె వీడియో ఒకటి నెట్టింట వైరల్ గా మారింది. తాను నివసించే అపార్ట్‌మెంట్‌లో ఓ కుక్కను జాలి, దయ లేకుండా కొట్టి చంపేశారంటూ మంజరి ఫడ్నిస్‌ (Manjari Fadnis) ఆవేదన వ్యక్తం చేశారు. ఏడుస్తున్న వీడియోను ఆమె షేర్ చేశారు.

కొన్నేళ్ల క్రితం ఎవరో వచ్చి మా సొసైటీలో ఓ కుక్కని వదిలివెళ్లారు. అప్పటినుంచి దాన్ని ‘మైకీ’ అని పేరుతో మేమే పెంచుకుంటున్నాం. కొన్ని రోజుల నుంచి అది కనిపించకపోవడంతో పోస్టర్లు వేసి వెతికాము. ఈ క్రమంలో సొసైటీకి చెందిన ఓ వ్యక్తి దానిని కిరాతకంగా కొట్టి చంపేశారని తెలిసింది.  జంతు హింసకు  పాల్పడకుండా కఠినమైన చట్టాలు తీసుకురావాలని విజ్ఞప్తి చేశారు. మంజరి వీడియో చూసిన భూమి పెడ్నేకర్‌తో పాటు మరికొందరు స్పందించారు.