Virgin Boys: టెంప్ట్ చేసే.. ఎలా ఎలా వీడియో సాంగ్ రిలీజ్‌

కుర్రకారును టార్గెట్ చేస్తూ పూర్తిగా బోల్డ్ జానర్‌లో తెరకెక్కిన‌ రొమాంటిక్ కామెడీ చిత్రం వర్జిన్ బాయ్స్ (Virgin Boys). జూలైలో థియేట‌ర్ల‌లోకి వ‌చ్చి అంత‌గా జ‌నాధ‌ర‌ణ పొంద‌లేక పోయిన ఈ చిత్రం ఈ శుక్ర‌వారం నుంచి డిజిట‌ల్ స్ట్రీమింగ్‌కు కూడా వ‌చ్చేసింది. సమాజంలో యువతీ యువకుల మధ్య ఉన్న ఆధునిక రిలేషన్‌షిప్స్ నేపథ్యంగా ఈ సినిమాను ఔట్ అండ్ ఔట్ బోల్డ్ అండ్ రొమాంటిక్‌గా చిత్రీక‌రించారు. దయానంద్ ఈ మూవీకి దర్శకత్వం వహించగా, రాజా దరపునేని నిర్మించారు. గీతానంద్ (Geetanand), మిత్రాశర్మ (Mitraaw Sharma), శ్రిహన్, బిగ్‌బాస్ విజేత కౌశల్ ప్రధాన పాత్రల్లో నటించారు.

అయితే.. ఈ సినిమా విడుద‌ల‌కు ముందే ఓ రేంజ్‌లో ముద్దులు, హ‌గ్గుల‌తో రూపొందించిన పాటలు యువతలో మంచి హైప్ క్రియేట్ చేశాయి. ఈ ఉత్సాహాన్ని కొనసాగిస్తూ తాజాగా శుక్ర‌వారం ఎలా ఎలా (Yela Yela Full Video Song) అంటూ సాగే మ‌రో టెప్టింగ్‌ రొమాంటిక్ వీడియో సాంగ్‌ను విడుదల చేశారు. ఈ పాట‌కు శ్రీమ‌ణి (Sri Mani ) సాహిత్యం అందించగా అదితి భ‌వ‌రాజు (Aditi Bhavaraju), స్మ‌ర‌ణ్ (Smaran) ఆల‌పించారు. సమ్రాన్ సాయి సంగీతం అందించారు. అయితే, ఈ పాటలో కూడా గత పాటలాగే బోల్డ్ విజువల్స్, ముద్దు సన్నివేశాలు, టెంప్ట్ చేసే సీన్లు ఎక్కువగానే ఉన్నాయి.