Virgin Boys Producer: వర్జిన్ బాయ్స్ పై పగ పట్టారు.. చర్యలు తప్పవు
ABN , Publish Date - Jul 12 , 2025 | 11:06 PM
ఇంత గొప్ప ఆదరణ పొందుతున్న సినిమాపై కొంతమంది మీడియా ముసుగులో విషం జల్లుతున్నారు. మేము థియేటర్లలో చూసినప్పుడు ప్రేక్షకులకు ఈ సినిమా ఎంతగా నచ్చిందో స్వయంగా అర్థమైంది.
'మా సినిమాకు ప్రేక్షకుల నుంచి మంచి స్పందన వస్తోంది. సినిమాకు ఆదరణ బావుంది. అయితే కొందరు రివ్యూల పేరుతో మా సినిమాపై విషం చిమ్ముతున్నారు. వారిపై చర్యలు తీసుకుంటాం' అని నిర్మాత రాజా దారపునేని అన్నారు. దయానంద్ దర్శకత్వంలో అయన నిర్మించిన చిత్రం 'వర్జిన్ బాయ్స్' (Virgin Boys) మిత్ర శర్మ, గీతానంద్, శ్రీహాన్, జర్నీఫర్, రోనిత్, అన్షుల, బబ్లు, కౌశల్ తదితరులు కీలకపాత్రలు పోషించారు. శుక్రవారం ప్రేక్షకుల ముందుకు వచ్చింది. ఈ సందర్భంగా టీం సక్సెస్ మీట్ ఏర్పాటు చేసింది.
దారపునేని రాజా మాట్లాడుతూ 'వర్జిన్ బాయ్స్ చిత్రాన్ని ఆదరించిన ప్రేక్షకులందరికీ ధన్యవాదాలు. విడుదల రోజు సిటీలోని వేరు వేరు థియేటర్లకు వెళ్లినప్పుడు అక్కడ ప్రజాదరణ చూసి ఎంత సంతోషం కలిగింది. అయితే ఇంత గొప్ప ఆదరణ పొందుతున్న సినిమాపై కొంతమంది మీడియా ముసుగులో విషం జల్లుతున్నారు. మేము థియేటర్లలో చూసినప్పుడు ప్రేక్షకులకు ఈ సినిమా ఎంతగా నచ్చిందో స్వయంగా అర్థమైంది. కానీ పూల చొక్కా నవీన్ లాంటివారు మా సినిమా నుండి డబ్బులు డిమాండ్ చేసి అవి ఇవ్వకపోయేప్పటికి మాపై పగ పట్టి మా సినిమాను ప్రేక్షకులలో నెగిటివ్ చేసేందుకుగాను వారి ఇష్టం వచ్చినట్లు మాట్లాడుతున్నారు. కావాలని మా సినిమా ఇమేజ్ డామేజ్ చేసే విధంగా రివ్యూలు ఇస్తున్నారు. అలాగే మరికొందరు యూట్యూబ్ ఛానల్స్ సినిమా విడుదలకు ముందే సినిమాలపై నెగిటివ్ రివ్యూలు ఇచ్చి ప్రేక్షకులను తప్పుదారి పట్టిస్తున్నారు. వారిపై ఇప్పటికే ఫిలిం చాంబర్లో కంప్లైంట్ చేశాము. లీగల్ గా కూడా వారిపై చర్యలు తీసుకుంటూ పోలీస్ స్టేషన్ లో కంప్లైంట్ చేయడం జరిగింది. దయచేసి ప్రేక్షకులు అటువంటి వాడి రివ్యూలను నమ్మి మోసపోకండి . ఆ రివ్యూలను నమ్మవద్దు" అన్నారు.
దర్శకుడు దయానంద్ మాట్లాడుతూ... "మా సినిమాను అన్ని విధాలుగా ఆదరించిన ప్రేక్షకులకు చాలా థాంక్స్. సినిమా టైటిల్ చూసి ఎలా ఉంటుందో అనుకున్న వారంతా థియేటర్లలో సినిమా చూశాక ఎంతగానో ఆదరించడం జరిగింది. అలాగే మా సినిమాపై విషం జల్లడానికి ప్రయత్నిస్తున్న వారిపై తప్పకుండా మేము చర్యలు తీసుకుంటాము. అలాగే నటీనటులపై అతను చేసిన కామెంట్లపై కచ్చితంగా చర్యలు తీసుకుంటున్నాము. మా సినిమాను థియేటర్లో చూసి ప్రతి సీనుకు కనెక్ట్ అయ్యి ఎంజాయ్ చేసిన ప్రేక్షకుల ఆదరణను మేము నమ్ముతాము. సినిమా మరింత విజయం సాధిస్తుంది" అన్నారు. సినిమా విజయం పట్ల టీం అంతా ఆనందం వ్యక్తం చేశారు