Ustaad Bhagat Singh: ఆ నవ్వు చూసి ఎన్ని రోజులు అయ్యింది సామీ..

Ustaad Bhagat Singh: పవర్ స్టార్ పవన్ కళ్యాణ్ (Pawan Kalyan) - హరీష్ శంకర్ (Harish Shankar) కాంబినేషన్ లో వస్తున్న చిత్రం ఉస్తాద్ భగత్ సింగ్ (Ustaad Bhagat Singh). ఈ సినిమాను మైత్రీ మూవీ మేకర్స్ ఎంతో ప్రతిష్టాత్మకంగా నిర్మిస్తున్నారు. ఈ సినిమాలో పవన్ సరసన శ్రీలీల(Sreeleela), రాశీ ఖన్నా (Raashii Khanna) నటిస్తున్నారు. ఇప్పటికే ఈ చిత్రం నుంచి రిలీజైన పోస్టర్స్, గ్లింప్స్ ప్రేక్షకులను విశేషంగా ఆకట్టుకున్నాయి. ఇక ఈ మధ్యనే పవన్ కళ్యాణ్ ఉస్తాద్ షూట్ ని ఫినిష్ చేశాడు. ప్రస్తుతం ఉస్తాద్ ప్రమోషన్స్ కోసం హరీష్ రంగంలోకి దిగాడు.

తాజాగా ఉస్తాద్ నుంచి మొదటి సాంగ్ రిలీజ్ కి ముహూర్తం ఖరారు చేశారు. డిసెంబర్ లో ఉస్తాద్ మ్యూజిక్ పండగ ఉండబోతున్నది అని చెప్పుకొస్తూ ఒక వీడియోని రిలీజ్ చేశాడు హరీష్ శంకర్. ఇందులో పవన్ కళ్యాణ్ స్టెప్ నేర్చుకుంటూ.. నవ్వుతూ కనిపించాడు. హరీష్ అంతే అంతే అంటూ స్టెప్ వేస్తున్న పవన్ ను ఎంకరేజ్ చేస్తూ కనిపించాడు. ఇక ఈ వీడియోను పోస్ట్ చేస్తూ హరీష్.. ఆ నవ్వు చూసి ఎన్ని రోజులు అయ్యింది సామీ.. అంటూ క్యాప్షన్ పెట్టుకొచ్చాడు. గయ్స్.. ఈ ఫస్ట్ సింగిల్ కోసం నేను ఎంతో ఎదురుచూస్తున్నాను.. మరి మీరు అంటూ రాసుకొచ్చాడు. ప్రస్తుతం ఈ పోస్ట్ నెట్టింట వైరల్ గా మారింది.

ఓజీలో పవన్ ఏ రేంజ్ లుక్ లో కనిపించాడో అందరికీ తెల్సిందే. అందులో క్లాస్ లో మాస్ ని కలిపి కనిపిస్తే.. ఉస్తాద్ లో చాలా క్లాస్ జెంటిల్ మ్యాన్ గా దర్శనమిచ్చాడు. ఈ సినిమా గురించి నిర్మాత రవిశంకర్ ఎంతో గొప్పగా చెప్పుకొచ్చాడు. ఖుషి వైబ్స్ వస్తాయని చెప్పడంతో ఫ్యాన్స్ ఆ రేంజ్ లోనే ఊహించుకుంటున్నారు. త్వరలోనే ఈ సాంగ్ ను రిలీజ్ చేయనున్నారు. మరి ఉస్తాద్ స్టెప్ వేస్తే ఎలా అంటుందో చూడాలంటే కొన్నిరోజులు ఆగాల్సిందే.